Ötən gün Azərbaycanın Praqadakı səfirliyinin qarşısında hüquq müdafiəçilərinin həbsinə etiraz olaraq aksiya keçirilib.
Çexiyanın NESEHNUTÍ təşkilatı tərəfindən təşkil edilən aksiya “Azərbaycanda qeyri-azadlıq bizi yandırır” adlanıb. İştirakçılar əllərində məşəl və 100-dən artıq siyasi məhbusun fotolarını tutublar. Onlar Azərbaycan həbsxanalarında olan bütün siyasi məhbusların dərhal və qeyd-şərtsiz azad edilməsini tələb ediblər.
“Biz Azərbaycan neftini yandırırıq, lakin bu ölkədə qeyri -azadlıq bizi yandırır”, - aksiya iştirakçısı Peter Tkaç bildirib.
NESEHNUTÍ hüquq müdafiəçiləri Rəsul Cəfərov və İntiqam Əliyevin azad edilməsi üçün Azərbaycan prezidentinə müraciət məqsədilə imza toplanışı təşkil edib.
İştirakçılar Avropa Parlamentinin deputatlarını həbsdə olan hüquq müdafiəçilərinin azad edilməsi üçün müraciəti dəstəkləməyə çağırıblar.-16D-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz