Azərbaycanın rus icması Ruisyada azərbaycanılılara təzyiqləri pisləyir

Azərbaycanın rus icmasının (ARİ) Respublika Şurası mockvalı Yeqor Şerbakovun faciəvi ölümündən ayrı-ayrı qüvvələrin millətlərarası ədavəti qızışdırmaq üçün istifadə etməsi cəhdlərinə təəssüf ifadə edən bəyanat yayıb. 

ARİ-nın bəyanatını icmanın rəhbəri, parlamentin deputatı Mixail Zabelin oktyabrın 24-də keçirilən mətbuat konfransında açıqlayıb.

Sənəddə həlak olan Y.Şerbakovun ailəsinə başsağlığı verilir.  Daha sonra qeyd edilir ki, qanusuz əmək miqrasiyasının artmasından hiddətlənən Biryulevo sakinlərinin emosuional-etiraz rəftarı daha çox bu faciəvi hadisəyə aidiyyatı olmayan miqrantlara yönəlib. 

“Maqazinlərin, ticarət köşklərinin dağıdılması, gənclərin özbaşınalığı, zorakılıq, ehtimal edilən cinayətkar saxlanılarkən baş verənlər, daha sonra telekanallar və internet vasitəsilə yayımlananlar, bütün KİV-lərdə vurğunun süni şəkildə şişirdilərək ehtimal edilən cinayətkarın milləti üzərinə qoyulması ancaq ictimai rəyi həyəcana salmağa, situasiyanı süni şəklidə şişirtməklə ksenofobiya meyllərini gücləndirməyə, qarşılıqlı ədavət yaymağa xidmət edrdi.İndiki halda Rusiya KİV-ləri Rusiya ictimaiyyətində qeyri-slavyan millətlərə neqativ münasibət formalaşmasına yardımçı rolunda çıxış edib ki, bu da sağlam düşüncə ilə daban-dabana ziddir” bəyanatda belə deyilir.

“Bizim doğma evimizə dönən Azərbaycan nəinki mane olmur. əksinə, hər vəch ilə bizim mədəni və mənəvi məkanımızın qorunmasına kömək edir. KİV-lərdə süni şəkildə şişirdilərək millətlərarası sülhü zərbə altına qoyan cinayətkarın milli və dini mənsubiyyəti burada heç zaman müzakirə predmeti olmur. Eyni zamanda bizim tarixi vətənimiz Rusiya çoxmillətli dövlətdir və onun nüfuzuna biganə deyilik. Azərbaycan rusları Ruisyda baş verən hadisələrə, xüsusilə xalqlarımız arasındakı  münasibətlərə zərə vuracaq hadisələrə diqqət və həyəcanla yanaşır və öz növbəsində  dostluq və qarşılıqlı anlaşma işinə öz tövhəsini vermək istəyir” deyə sənəddə qeyd olunur.

Sənəd müəllifləri Ruisya ictimaiyyətinin baş verənlərə düzgün qiymət verəcəyinə, hakimiyyətin millətlərarası münaqişənin qarşısını alacağına, məlum faciənin hüquqi şəkildə obyektiv həllinin tapacağına, aidiyyatı qurumların millətçi, meyllərin, ksenofobiya və ayrı-seçkiliyin inkişafına imkan verməyəcəyinə ümid etdiklərini bildirirlər.

M.Zabelin bəyanatın MDB məsələləri və yerlilərlə iş üzrə Dövlət Duması əlaqə komitəsinə və s. Rusiya strukturlarına göndərildiyini nəzərə çatdırıb. 

Bundan əlavə, noyabrın əvvəllərində ARİ-nin Rusiyaya gedəcək nümayəındə heyəti Ümumrusiya Azərbaycanlıları Konqressinin təmsilçilərilə birgə mövcud problemi nizamlamaq üçün Ruisyanın rəsmi şəxsləri, o cümlədən DİN başçısı, paytaxt meri ilə görüşlər keçirməyi nəzərdə tutur.     

Rusiyada azərbaycanlıların durumuna toxunan M.Zabelin onların 90%-nin qanuna riayət edən şəxslər olduğunu söyləyib, onların bu ölkənin həyatında iştirak etdiklərini, onun iqtisadi inkişafına paylarını verdiklərini, yeri gələndə rus uşaqlarının həyatıl namizə öz həyatlarını qurban verməyi bacarırlar.

Azərbaycanda 120 minə yaxın rus yaşayır. ARİ-na 78 min nəfər daxildir.-06C-