Bakı/09.10.17/Turan: Azərbaycan və Belarus müdafiə nazirlikləri arasında 2018-ci il üçün əməkdaşlıq planı imzalanıb. Bu xəbəri Azərbaycan Müdafiə Nazirliyi yayıb.
Xəbərə görə, Belarusda səfərdə olan müdafiə naziri Zakir Həsənov oktyabrın 9-da bu ölkənin müdafiə naziri general-leytenant Andrey Ravkovla görüşüb.
"Müdafiə nazirlərinin təkbətək və nümayəndə heyətlərinin iştirakı ilə geniş tərkibli görüşlərində ikitərəfli münasibətlərin, xüsusilə hərbi, hərbi-texniki və hərbi təhsil sahələrində əməkdaşlığın inkişaf etdirilməsinin vacibliyi qeyd edilib", deyə xəbhərdə bildirilir.
Nazirlər beynəlxalq və regional təhlükəsizlik problemləri, hərbi ekspertlərin qarşılıqlı səfərlərinin təşkili, eləcə də maraq doğuran digər məsələlər barədə də geniş fikir mübadiləsi aparıblar.
Xatırladaq ki, müdafiə naziri Z.Həsənovun başçılıq etdiyi nümayəndə heyəti oktyabrın 8-də Belarusa səfərə gedib, 9-da müdafiə naziri və Belarus Prezidenti Aleksandr Lukaşenko ilə görüşüb.
Səfər davam edir. -05D-
Siyasət
-
Bu gün Bayraq Meydanında Azərbaycanın dövlət bayrağı qaldırılıb.
-
"44 günlük Vətən müharibəsi bizim şanlı tariximizdir, parlaq Qələbəmizdir. Biz həm Birinci Qarabağ müharibəsinin, həm İkinci Qarabağ müharibəsinin, eləcə də antiterror əməliyyatının şəhidlərinin qanını döyüş meydanında aldıq, öz ərazi bütövlüyümüzü, suverenliyimizi bərpa etdik". Bu barədə noyabrın 8-də dövlət başçısı İlham Əliyev Bakıda Zəfər Parkının açılış mərasimində bildirib.
-
Azərbaycan Talışları İctimai Şurasının (ATİŞ) üzvü, ehtiyatda olan polkovnik Mikayıl Hacıyev noyabrın 7-də Bakıdan Yekaterinburqa gedə bilməyib. Bu barədə Turan Agentliyinə o özü bildirib.
-
Noyabrın 7-də Bakının Xətai Rayon Məhkəməsində Abzas Media nəşrinin direktoru Ülvi Həsənlinin ev dustaqlığına keçirilməsi haqqında vəsatətə baxılıb. Dinləmələr iş günündən sonra, saat 19.15-də keçirilib, bu barədə vəkil Zibeydə Sadıqova bildirib. Bu, Həsənlinin prosesdə onlayn iştirak etməkdən imtina etməsi və prosesdə iştirak etməkdə israr etməsi səbəbindən baş verib.
Rəy yaz