![Açiq mənbələrdən foto.](https://turan.az/resized/media/2022/main/121400055428-750-500-resize.webp)
Açiq mənbələrdən foto.
“Azəriqaz”: Azərbaycanın Qarabağa verilən qazın kəsilməsinə aidiyyatı yoxdur
Bakı/14.12.22/Turan: Azərbaycanın Qarabağın erməni əhalinin yaşadığı hissəsinə qaz nəqlinin dayandırılmasına aidiyyatı yoxdur. Bu barədə bu gün SOCAR (Azərbaycan Dövlət Neft Şirkəti) bildirib.
Qurumda Azərbaycan tərəfinin qazı kəsməsilə bağlı xəbərləri dezinformasiya adlandırıblar və qeyd ediblər ki, bu, beynəlxalq birlikdə çaşqınlıq yaradır.
“Rusiya sülhməramlılarının müvəqqəti yerləşdiyi ərazilərə qazın verilməsi Ermənistan tərəfindən həyata keçirilir və qeyd olunan ərazilər bizim ölkəmizin qaz təchizatı sisteminə inteqrasiya olunmayıb”, - “Azəriqaz” İstehsalat Birliyindən bildirilib.
Eyni zamanda, yaxın günlərdə qaz kəmərinin Azərbaycanın nəzarətində olan ərazilərdən keçən hissəsində müvafiq texniki diaqnostika işləri aparılacaq.
“Hazırda soyuq hava şəraitilə əlaqədar Azərbaycanın dağlıq və dağətəyi rayonlarında qaz xətlərinin işində nasazlıq yaranıb. Qazın dayanıqlı və təhlükəsiz verilməsinin təmin olunması üçün texniki diaqnostika aparılır”, - “Azəriqaz”da qeyd ediblər.
Xatırladaq ki, bu ilin martında “Azəriqaz” Qarabağın erməni əhalinin yaşadığı hissəsində qaz təchizatının bərpası üçün qazpaylayıcı şəbəkədəki nasazlığın aradan qaldırılması üzrə tədbirlər barədə məlumat vermişdi. 06B
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz