Bakı Avropa parlamentini Ankaradan daha sərt tənqid edir
Avropa parlamentinin qondarma erməni soyqırımına dair qətnaməsi əsassız və qərəzlidir, ikili standartlara xidmət edir. Azərbaycan XİN mətbuat xidmətinin rəhbəri Hikmət Hacıyev Avropa parlamentinin qəbul etdiyi qətnaməni belə şərh edib.
Bu qətnamə Avropa parlamentində Ermənistanın və erməni lobbisinin təsiri altında olan müəyyən dairələrin təşəbbüsü ilə qəbul edilib. Sənəddə “erməni soyqırımı” ifadəsinin işlədilməsi tarixi saxtalaşdırmaq və ondan siyasi məqsədlər üçün isifadə etmək cəhdidir.
H.Hacıyevin şərhində həmçinin 1918-ci ilin martında Bakıda və Azərbaycanın digər bölgələrində erməni daşnaklarının azərbaycanlılara qarşı törətdikləri kütləvi qırğın, Ermənistanın Azərbaycan ərazilərini işğal etməsi, Xocalıda və işğal edilmiş ərazilərdə azərbaycanlıların etnik təmizlənməsi faktlarına da toxunulur.
“Avropa parlameninin 15 aprel 2015-ci il tarixli qətnaməsi Ermənistanın əsassız iddialarını dəstəkləyir və regionda gərginliyin artmasına xidmət edir”, - H. Hacıyev vurğulayıb.
Öz növbəsində Azərbaycan prezidentinin ictimai-siyasi məsələlər üzrə köməkçisi Əli Həsənov Avropa parlamentinin qətnaməsini “bu qurumun tarixində ən rüsvayçı və siyasiləşmiş qərar, həqiqəti əks etdirməyən, real tarixi təhrif edən qətnamə” adlandırıb.
Ə.Həsənovun fikrincə, “bu qətnamə antimüsəlman və antitürk əhval-ruhiyyədən irəli gəlir”.
O, Qərbin təşəbbüsü ilə yaradılan beynəlxalq strukturların çoxunun sənədlərində oldugu kimi, bu sənəddə də ikili standartların və islamofobiyanın olduğunu qeyd edib.
Qeyd edək ki, bundan öncə Roma Papası 1915-ci il hadisələrini 20-ci əsrin ilk soyqırımı adlandıranda Azərbaycan hakimiyyəti bir qədər bu faktın üstündən keçdi, çünki Heydər Əliyev Fondu Vatikana mühüm maliyyə yardımı göstərir.–06D-
-
- Cəmiyyət
- 16 Aprel 2015 14:32
-
- İqtisadiyyat
- 16 Aprel 2015 14:37
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz