Bakı iranlıların Azərbaycanın Tehrandakı səfirliyinə hücumunun araşdırılmasından razı deyil

Bakı/01.03.23/Turan: Azərbaycanın Tehrandakı səfirliyinə hücumun araşdırılması ilə bağlı da İran tərəfinə bir çox suallar var. Bu barədə Azərbaycanın baş prokuroru Kamran Əliyev "Real TV" telekanalına müsahibəsində bildirib.

Bəzi məqamlar bizim üçün qaranlıq qalır. Bu şəxsin yarım saat səfirliyə silahlı hücum etməsi, İranın təhlükəsizlik orqanlarının isə heç bir tədbir görməməsi aydın deyil. Onun üzərində avtomat və tapanca olub, o, onları haradan əldə edib? Bu məsələlərə aydınlıq gətirmək yerinə İran tərəfi hücum edən şəxsin ruhi xəstəxanaya yerləşdirildiyini bildirib, deyə Əliyev qeyd edib.

İşin halları hücumun mütəşəkkil olduğunu sübut edir.

"Cinayətin iştirakçıları, sifarişçiləri və icraçıları məsuliyyətə cəlb edilməlidir. Bununla əlaqədar İran tərəfinə sorğu hazırlayırıq. Ehtiyac olarsa, prokurorluğumuzun və Dövlət Təhlükəsizliyi Xidmətinin əməkdaşları İrana ezam olunacaq", deyə Kamran Əliyev bildirib. 0