Bakı körpüləri yandırır, yoxsa…

Bakı-Moskva münasibətlərində AZALın təyyarə qəzasından sonra başlayan soyuqluq, deyəsən, güclənir.

Bakı getdikcə tez-tez Moskvaya təyyarənin qəzaya uğramasının və vətəndaşlarının həlak olmasının üstünü örtməyə imkan verməyəcəyini göstərir. 

Dekabrın 29-da İlham Əliyevin Rusiya tərəfinin ünvanına birbaşa bəyanatlarından sonra sankı bır fasilə yarandı.

Lakin Bakının Moskvanın səhvləri başa düşəcəyinə olan ümidi özünü doğrultmayıb. Rusiya KİV-lərində və sosial şəbəkələrdə təyyarənin vurulmadığına, pilotların özlərinin balonun partladığını və təyyarənin quş sürüsü ilə toqquşduğunu bəyan etməsinə dair eyhamlar yeni gərginliyə səbəb olub.

Bu dəfə Bakı daha genişmiqyaslı addım atıb. Bakıda rəsmilərin Ukrayna diplomatları ilə artan təmaslarına az insan diqqət yetirib. İndiyədək hakimiyyət Kiyev nümayəndələrinə məhəl qoymayaraq, Moskvanı qıcıqlandırmamağa çalışırdı.  İlham Əliyevin Davosda Vladimir Zelenski ilə görüşü elə həmin seriyadan olan, lakin sonuncu olmayan bir addımdır.

Moskva qəzetlərinin AZAL-ın təyyarəsinin qəzaya uğramasının Amerika və ukraynalıların əli olduğu haqqında nəşrləri, həmçinin RF XİN başçısı Lavrovun qara qutulardan əldə olunan məlumatların təyyarə qəzasında rusların əli  olmadığını göstərməsi haqqa bəyanatı Bakını hiddətlərdi.

Bundan sonra AZTV Moskvanı ədalətsizlikdə və vicdansızlıqda ittiham edib.

Hökumətyönlü KİV-lər isə Bakının mərkəzində Rusiyanın "casusluq yuvasını" ifşa etmək göstərişi aldı.

Bunun ardınca misli görünməmiş təhdid səsləndi - Moskva təyyarənin vurulmasına görə təqsirini etiraf etməsə, Bakı Moskvanı beynəlxalq məhkəməyə verəcək.

Bu sərt ritorika ikitərfli münasibətləri əhəmiyyətli dərəcədə gərginləşdirə bilər, lakin təcrübə göstərir ki, İlham Əliyevin emosionallığı və çox riskli addımları yəqin ki siyasi ehtiyatsızlıqdan çox, hesablanmış addımdır. Bu, həmdə Azərbaycanın heç kimə onu saymaga  imkan verməyəcəyi barədə şüarının təzahürüdür.

Bu realıqdır yoxsa özünə həddindən artıq güvəndir? Bunu gələcək göstərəcək.