![Bakı meriyası İctimai Palataya yox dedi, İctimai Palata isə hələ müzakirə edir](https://turan.az/resized/media/2012/main/101000014285-750-500-resize.webp)
Bakı meriyası İctimai Palataya yox dedi, İctimai Palata isə hələ müzakirə edir
Bakı şəhər icra hakimiyyətinin İctimai Palatanın oktyabrın 13-də nəzərdə tutduğu kütləvi aksiyasına rədd cavabı ilə bağlı Koordinasiya Şurasının günortadan başlayan iclası hələ davam edir.
Bakı şəhər icra hakimiyyətinin bu cavabına İctimai Palatanın hansı qarşılıq verəcəyi hələ məlum deyil. Bununla belə, İctimai Palata oktyabrın 13-də nəzərdə tutulan aksiya ilə bağlı hazırlıqlara “dayan” komandası verməyib.
Aksiyanın hansı şəkildə, hansı formada keçirilməsilə bağlı Şura üzvləri müzakirələr aparsalar da, konkret qərar qəbul etməyiblər. Bu qərarın bu gün olub-olmayacağı da hələ bəlli deyil.
İctimai Palata keçmiş deputat Gülər Əhmədova ilə keçmiş rektor Elşad Abdullayev arasında “deputatlıq rüşvəti”lə bağlı videogörüntülər yayıldıqdan sonra korrupsiyanın qanunverici orqanı əhatə etdiyini bildirib. Bununla bağlı İctimai Palata parlamentin buraxılması və yeni parlament seçkiləri tələbilə oktyabrın 13-də keçmiş Əzizbəyov heykəli yanından Milli Məclisin binasına kimi yürüş keçirmək qərarı qəbul etmişdi. Bakı şəhər icra hakimiyyəti oktyabrın 10-da İctimai Palatanın bu müraciətinə rədd cavabı verib. Aksiya keçirmək üçün ictimai fəallara 20-ci sahə göstərilib. -05B-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz