Açiq mənbələrdən foto.
Bakı/29.08.22/Turan: İran, Azərbaycan və Rusiya “Şimal-Cənub” Beynəlxalq Nəqliyyat Dəhlizinin həyata keçirilməsi üçün Rəşt-Astara dəmir yolunun tikintisinə birgə investisiya qoymaq niyyətindədir.
İran Çin və Rusiya ilə tranzit ticarətini genişləndirmək niyyətindədir. Bunu İranın yollar və şəhərsalma nazirinin müavini Şəhriyar Əfəndizadə bazar günü deyib. Bu barədə bazar ertəsi MEHR agentliyi məlumat yayıb
Onun sözlərinə görə, Azərbaycanda keçiriləcək görüşdə Rəşt-Astara dəmir yolunun tikintisi layihəsinə sərmayə qoyuluşu prosesi müzakirə olunacaq.
Xatırladaq ki, İranın şimalındakı Rəşt və Astara şəhərləri arasındakı 180 kilometrlik hissə Şimal-Cənub nəqliyyat dəhlizində yarımçıq qalan yeganə halqadır.
Bu məsələ iyunda Xəzəryanı ölkələrin dövlət başçılarının sammitində Azərbaycan rəhbəri tərəfindən qaldırılıb. Sonra Rusiya prezidenti Vladimir Putin Şimal-Cənub nəqliyyat dəhlizinin işə düşməsi üçün marşrutun bu hissəsinin tikintisini təklif etdi. Daha sonra üç ölkənin ekspertləri bu məsələ ilə bağlı məsləhətləşmələr aparıblar. -02B-
Siyasət
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
-
Noyabrın 22-də Bakıda COP29-un keçirildiyi məkanda beynəlxalq fəallardan ibarət bir qrup "İnsan hüquqları yavaş-yavaş ölür" şüarı altında aksiya keçiriblər.
Rəy yaz