Vladimir Putin and Nikol Pashinyan
Bakı/29.08.22/Turan: Bazar ertəsi Ermənistanın baş naziri Nikol Paşinyan və Rusiya prezidenti Vladimir Putin telefonla Qarabağdakı vəziyyəti müzakirə ediblər. Bu haqda Ermənistan hökumətinin mətbuat xidməti məlumat yayıb.
“Paşinyan və Putin Ermənistan-Rusiya münasibətlərinin gündəmindəki bir sıra məsələlər ətrafında fikir mübadiləsi aparıblar.
Tərəflər Dağlıq Qarabağ ətrafındakı vəziyyətə də toxunublar, 2020-ci il 9 noyabr, 11 yanvar və 26 noyabr 2021-ci il tarixli üçtərəfli sazişlərin ardıcıl icrasının vacibliyini vurğulayıblar”, - deyə məlumatda bildirilir.
Qeyd edək ki, Qarabağdakı vəziyyət Ermənistanın baş nazirinin təşəbbüsü ilə avqustun 24-də də Putin və Paşinyan arasında müzakirə olunmuşdu. -02B-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz