Bakı və Kiyev Donbass və Dağlıq Qarabağa məhəl qoymayacaq

Ukrayna və Azərbaycan Bakı və Kiyevin nəzarəti altında olmayan ərazilərdə istehsal olunmuş məhsulları rəsmi hakimiyyətin razılığı olmadan ölkələrinə buraxmamaq barədə razılıq əldə ediblər, bu barədə çərşənbə axşamı “İnterfaks” agentliyinə Ukraynanın Azərbaycandakı səfiri Aleksandr Mişenko bildirib.

“Prezident Petr Poroşenkonun Bakıya səfəri zamanı hər iki dövlət başçısı Ukrayna və Azərbaycanın gömrük qurumlarının rəhbərlərinə görüşüb hər iki ölkənin işğal olunmuş ərazilərindən daxil olan məhsulların buraxılması məsələlərini müzakirə etməyi tapşırıblar. Gömrük qurumlarının rəhbərləri görüşüblər və bu ərazilərdən gələn məhsulların yalnız mərkəzi hakimiyyət – Kiyev və Bakı tərəfindən lisenziyalaşdırıldığı təqdirdə idxal edilə biləcəyini nəzərdə tutan mexanizm işləyib hazırlayıblar”, deyə Mişenko bildirib.

Diplomatın sözlərinə görə, Dağlıq Qarabağda istehsal olunan məhsullar Ukraynanın sərhədini yalnız Bakının razılığı ilə keçə bilər. Azərbaycan Donbassdan daxil olan məhsullara münasibətdə də eyni sxemi tətbiq edir. “Məsələn, şampan üzərində markalanma. Orada Ukrayna, Artemovski zavodu (Donbass) yazılıbsa, deməli, hər şey yormaldır. Amma Novorossiya və ya buna bənzər başqa bir şey yazılıbsa, təbii ki, Azərbaycan onları qəbul etməyəcək. Dağlıq Qarabağdan gələn məhsullara da belə yanaşma tətbiq edilir”, deyə Mişenko qeyd edib. -02D-