![Bakı və Yerevan cəbhədə vəziyyətin gərginləşməsinə görə bir-birini ittiham edirlər](https://turan.az/resized/media/2016/main/032800150892-750-500-resize.webp)
Bakı və Yerevan cəbhədə vəziyyətin gərginləşməsinə görə bir-birini ittiham edirlər
Bakı Yerevanı cəbhə xəttində gərginliyi artırmaqda ittiham edib.
“Ermənistanın əsl məqsədi vəziyyətin qəsdən gərginləşdirilməsi ilə münaqişənin danışıqlar yoluyla həllinə, qəbuledilməz və qeyri-davamlı olan mövcud status-kvonun dəyişdirilməsinə imkan verməmək, Azərbaycan ərazilərinin işğalını davam etdirməkdir", - Azərbaycan XİN mətbuat katibi Hikmət Hacıyev bildirib.
O, Yerevanı Novruz və Pasxa bayramlarında atəşkəsə əməl edilməsinə dair ATƏT-in fəaliyyətdə olan sədrinin şəxsi nümayəndəsi Anjey Kasprşikin və Minsk Qrupunun həmsədrlərinin təşəbbüslərinə məhəl qoymamaqda günahlandırıb.
“Ermənistan ağır atəş vasitələrindən istifadə edərək atəşkəsin intensiv şəkildə pozulmasına xidmət edən əməlləri törətməkdə davam etdi”, - o vurğulayıb.
Öz növbəsində erməni tərəfi Bakını eyni vəziyyətlə bağlı ittiham edib. Belə ki, Ermənistan Müdafiə Nazirliyinin mətbuat katibi Artsrun Ovannisyan Azərbaycanı ağır silahlardan istifadə etməklə atəşkəs rejimini pozmaqda ittiham edib.
Xatırladaq ki, Novruz bayramı ərəfəsində ATƏT-in fəaliyyətdə olan sədrinin şəxsi nümayəndəsi Anjey Kasprşik tərəfləri gərginliyin artmasına səbəb ola biləcək hərəkətlərdən çəkinməyə çağırmışdı.
Lakin həmin müddətdə gərginlik artıb. Hər iki tərəfdən həm hərbçilər, həm də dinc əhali arasında həlak olan və yaralananlar var.02D-
-
- İqtisadiyyat
- 28 Mart 2016 17:54
-
- Cəmiyyət
- 28 Mart 2016 19:02
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz