Bakıda Aİ-Azərbaycan məsləhətləşmələri keçirilib

Yanvarın 26-27-də Bakıda Azərbaycan-Aİ birgə alt komitəsinin iclası çərçivəsində məsləhətləşmələr keçirilib.

Məsləhətləşmələr zamanı nəqliyyat, energetika, ekologiya, insan hüquqları və s. məsələlər müzakirə olunub.

Bu məsələlər Aİ və Azərbaycan arasında gələcək sazişin tərkib hissələridir.

Bazar ertəsi Brüsseldən yüksək vəzifəli nümayəndə heyəti Bakıya gələcək, Azərbaycan rəhbərliyi ilə yüksək səviyyədə danışıqlar aparacaq.

Bu barədə jurnalistlərlə söhbətində Aİ-nin Şərq Tərəfdaşlığı proqramının bölmələrindən birinin rəhbəri Dik Şubel (Dirk Schuebel, Head of the Eastern Partnership Bilateral division) bildirib.

Onun sözlərinə görə, nümayəndə heyətinə Kristian Danielson  (Christian Danielsson, Director General for Neighbourhood Policy and Enlargement Negotiations in the European Commission) və Tomas Meyr-Harting (Thomas Mayr-Harting, Managing Director for Eastern Europe and Central Asia in the European External Action Service) başçılıq edəcəklər.

Brüsselin nümayəndə heyəti Azərbaycan hakimiyyətinə gələcək tərəfdaşlığın prioritetlər siyahısının daxil olduğu sənəd layihəsi təqdim edəcək, deyə Şubel qeyd edib.

Baş tutan danışıqlara toxunan Şubel onları müsbət qiymətləndirib və Azərbaycan tərəfin Avropa İttifaqı ilə əməkdaşlığın inkişafında maraqlı olduğunu qeyd edib. -02В-