Azərbaycan XİN rəhbəri Elmar Məmmədyarov bu gün Aİ-nin Xarici Siyasət Xidmətinin Avropa və Mərkəzi Asiya üzrə idarəedici direktoru Tomas Mayr-Hartinqin başçılıq etdiyi nümayəndə heyətini qəbul edib.
XİN-in mətbuat xidmətinin məlumatına görə, Məmmədyarov qeyd edib ki, Azərbaycan beynəlxalq və regional təşkilatlarla əlaqələrin dərinləşdirilməsinə xüsusi önəm verir.
Bu kimi səfərlərin bir sıra məsələlərin, problem və perspektivlərin əhatəli müzakirəsi və qarşılıqlı anlaşma baxımından vacib olduğunu vurğulayan Məmmədyarov Aİ-nin xarici işlər və təhlükəsizlik siyasəti üzrə Ali Komissarı Federika Moqherinin 2016-cı ilin əvvəllərində Azərbaycana nəzərdə tutulan səfərinin ikitərəfli əlaqələrin sonrakı inkişafına töhfə verəcəyinə ümidini ifadə edib.
Maraqlıdır ki, elə bu günlərdə Prezident Administrasiyasının rəhbəri dərc etdiyi yeni kitabında Avropanı deqradasiyada, dağılmaqda, ksenofobiyada, Azərbaycana, müsəlmanlara mənfi münasibətdə və bütün digər günahlarda ittiham edib. -06D-
Siyasət
-
Bu gün Bayraq Meydanında Azərbaycanın dövlət bayrağı qaldırılıb.
-
"44 günlük Vətən müharibəsi bizim şanlı tariximizdir, parlaq Qələbəmizdir. Biz həm Birinci Qarabağ müharibəsinin, həm İkinci Qarabağ müharibəsinin, eləcə də antiterror əməliyyatının şəhidlərinin qanını döyüş meydanında aldıq, öz ərazi bütövlüyümüzü, suverenliyimizi bərpa etdik". Bu barədə noyabrın 8-də dövlət başçısı İlham Əliyev Bakıda Zəfər Parkının açılış mərasimində bildirib.
-
Azərbaycan Talışları İctimai Şurasının (ATİŞ) üzvü, ehtiyatda olan polkovnik Mikayıl Hacıyev noyabrın 7-də Bakıdan Yekaterinburqa gedə bilməyib. Bu barədə Turan Agentliyinə o özü bildirib.
-
Noyabrın 7-də Bakının Xətai Rayon Məhkəməsində Abzas Media nəşrinin direktoru Ülvi Həsənlinin ev dustaqlığına keçirilməsi haqqında vəsatətə baxılıb. Dinləmələr iş günündən sonra, saat 19.15-də keçirilib, bu barədə vəkil Zibeydə Sadıqova bildirib. Bu, Həsənlinin prosesdə onlayn iştirak etməkdən imtina etməsi və prosesdə iştirak etməkdə israr etməsi səbəbindən baş verib.
Rəy yaz