Bakıda qan tökülməsinin məsuliyyəti Qorbaçovun üzərindədir - Azərbaycan prokurorluğu
1990-cı ilin yanvarında Bakıda qan tökülməsinə görə Sovet rəhbərliyi və şəxsən keçmiş SSRİ lideri Mixail Qorbaçov məsuliyyət daşıyır, Azərbaycan Prokurorluğu belə hesab edir.
Azərbaycan baş prokurorunun birinci müavini Rüstəm Usubov bu gün bildirib ki, Qorbaçov "Rusiya Konstitusiyasının 119-cu və Azərbaycan Konstitusiyasının 71-ci bəndini kobud şəkildə pozaraq, Bakıda fövqəladə vəziyyət elan edilməsi və şəhərə ordu yeridilməsi haqqında qanunsuz fərman verib".
Rüstəm Usubovun sözlərinə görə, Azərbaycan televiziyasının energetika blokunun partladılması Azərbaycan Dövlət Təhlükəsizliyi Komitəsinin o vaxtkı sədri Vaqif Hüseynov və Moskvadan gəlmiş nümayəndələr tərəfindən təşkil olunmuşdu.
Əvvəlcə içi İttifaq Prokurorluğu aparırdı və bu, respublikanın o zamanki rəhbərliyinin səhvi idi. Azərbaycan Prokurorluğu bu işi aparmağa çox gec - 1992-ci il fevralın 14-də başladı. İki il sonra istintaq aparmaq çox çətin idi, müəyyən dəlillər aradan qaldırılmışdı. İstintaq tədbirləri burada da, Moskvada da aparılırdı. 1990-cı ilin yanvarında Bakıya ezam edilmiş SİKP MK-nin yüksək vəzifəli şəxsləri dindirilmişdi. Amma Qorbaçov və Bakatini dindirmək mümkün olmadı.
Qirenko, Bobkov, Mixaylov, Yazov dindirilmişdi, Qorbaçov isə istintaqdan yayınmışdı.
1992-ci ildə Rusiya prokurorluğu yanvar hadisələri haqqında 68 cildlik cinayət işinin materiallarını Azərbaycana verməyib. Bu günə qədər prokurorluq bu cinayət işini tələb edir, amma materialları ala bilmir, deyə Usubov jurnalistlərə bildirib. -06D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz