RF və Ermənistan XİN başçıları Sergey Lavrov və Edvard Nalbandyan yanvarın 19-da Dağlıq Qarabağ nizamlanması məsələlərini müzakirə ediblər. RF XİN-in məlumatına görə, görüş Moskvada keçirilib.
"Dağlıq Qarabağ nizamlanması məsələsi, o cümlədən Vyana və Sankt-Peterburq sammitlərində əldə olunmuş razılaşmaların həyata keçirilməsi məsələləri müzakirə olunub", deyə məlumatda bildirilir.
Bundan başqa, bildirilir ki, nazirlər Rusiya-Ermənistan ittifaq əlaqələrinin inkişafı ilə bağlı aktual mövzulara baxıblar, RF və Ermənistan prezidentləri arasında əldə olunmuş razılaşmaların yerinə yetirilməsinə, Moskvada yanvarın 24-də keçiriləcək iki ölkənin hökumət başçılarının danışıqlarına hazırlığa xüsusi diqqət yetiriblər.
Bir müddət əvvəl Lavrov 2016-cı ilin yekunlarına həsr olunmuş mətbuat konfransında çıxış edərkən bildirib ki, Dağlıq Qarabağ zonasında insidentlərin araşdırılması mexanizminin tətbiqi və müşahidəçilərin sayının artırılması üzrə razılaşmalar indiyədək həyata keçirilməyib. O, həmçinin qeyd edib ki, Qarabağ nizamlanması Azərbaycanın daxili işi deyil. -02D-
Siyasət
-
Dekabrın 8-də Azərbaycan Prezidentinin Xarici siyasət məsələləri üzrə köməkçisi Hikmət Hacıyev İsrail Xarici İşlər Nazirliyində danışıqlar aparıb. Bu barədə İsrail xarici işlər nazirinin müavini Şaren Haskel X platformasındakı hesabında yazıb.
-
Siyasi Menecment İnstitutunun direktoru, politoloq Azər Qasımlının saxlanıldığı bildirilir.
-
Dekabrın 8-də Bakının Xətai Rayon Məhkəməsi Meydan TV-nin əməkdaşı Aysel Umudova barəsində 4 ay müddətinə həbs qətimkan tədbiri seçib. O, Azərbaycan Cinayət Məcəlləsinin 206.3.2-ci (qaçaqmalçılıq, bir qrup şəxs tərəfindən qabaqcadan əlbir olaraq törədildikdə) maddəsilə ittiham olunur.
-
Dekabrın 7-də Müsavat Partiyası Məclisinin növbəti sessiyası keçirilib. Yığıncaqda partiya başqanı İsa Qəmbər ölkədəki ictimai-siyasi vəziyyət və partiyanın cari vəzifələri mövzusunda məruzə ilə çıxış edib.
Rəy yaz