![Bakıda Qara Dəniz İqtisadi Əməkdaşlıq Təşkilatı Parlament Məclisinin plenar iclası açılıb](https://turan.az/resized/./turan-750-500-resize.webp)
Bakıda Qara Dəniz İqtisadi Əməkdaşlıq Təşkilatı Parlament Məclisinin plenar iclası açılıb
Bu gün Bakıda Qara Dəniz İqtisadi Əməkdaşlıq Təşkilatı Parlament Məclisinin 40-cı plenar iclası açılıb.
Prezident İlham Əliyevin iclas iştirakçılarına müraciətində deyilir ki, QDİƏT üzvü olan dövlətlərin birgə səyləri ilə həyata keçirilmiş və icra edilməkdə olan transmilli layihələr bölgəmizin dinamik inkişafı üçün əlverişli imkanlar yaradıb.
“Lakin regionumuzda bununla yanaşı həm də həlli gecikdirilən bir sıra problemlərin, o cümlədən Ermənistan-Azərbaycan, Dağlıq Qarabağ münaqişəsinin mövcudluğu yerli ölkələrin tərəqqisi yolunda böyük maneə olaraq qalır. Şübhə yoxdur ki, əksər münaqişələrin hamılıqla tanınmış beynəlxalq hüquq prinsip və normaları əsasında ədalətli həlli dövlətlərarası əməkdaşlığın inkişafı üçün də tamamilə yeni perspektivlər aça bilər”, - müraciətdə deyilir.
QDİƏT 1992-ci ildə yaradılıb. Qurumun üzvləri Azərbaycan, Türkiyə, Gürcüstan, Rusiya, Albaniya, Ermənistan, Bolqarıstan, Yunanıstan, Moldova, Rumıniya, Serbiya və Ukrayna, Avstriya, Almaniya, Misir, İsrail, İtaliya, Polşa, Slovakiya, Tunis, Fransadır. Həmçinin Avropa Energetika Xartiyası Konfransı və Beynəlxalq Qara dəniz Klubu təşkilatda müşahidəçi statusuna malikdir.
Təşkilatın məqsədi Qara dəniz hövzəsi ölkələri arasında ticari-iqtisadi, nəqliyyat, turizm və digər sahələrdə çoxtərəfli əməkdaşlığın qurulmasıdır. Təşkilatın mənzil-qərargahı İstanbulda yerləşir.
-02D-
-
- Siyasət
- 27 Noyabr 2012 13:14
-
- İqtisadiyyat
- 27 Noyabr 2012 14:09
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz