![Baltik ölkələri xarici işlər nazirləri: "Ukrayna qalib gəlməlidir"](https://turan.az/resized/news/2024/H5oqiqObJlqyvwvfwtR2xgYfABKAV9YH2t7lpjaY-750-500-resize.webp)
Baltik ölkələri xarici işlər nazirləri: "Ukrayna qalib gəlməlidir"
Baltik ölkələri xarici işlər nazirləri: "Ukrayna qalib gəlməlidir"
Bazar ertəsi Estoniya, Latviya və Litvanın xarici işlər nazirləri Vaşinqtona səfər ediblər və rəsmi görüşlərdə öz birliyini və Ukraynaya sarsılmaz dəstəyini ifadə ediblər, Turan-ın Vaşinqton müxbiri bildirib.
Bu həftə hər üç Baltik ölkəsi sovet kütləvi deportasiyasının 75 illiyini qeyd edir. O zaman on minlərlə günahsız insan Sibirə göndərilərək orada həlak olub.
"Müasir Rusiyada Stalinin varisləri Ukraynada soyqırım törədirlər. Bu cür cinayətləri unutmaq və bağışlamaq olmaz", - Baltik ölkələrinin nümayəndələri deyiblər.
"Biz istəyirik ki, bu, nə bizdə, nə də Avropa İttifaqına üzv olmaq istəyən Ukrayna və Moldova kimi digər ölkələrdə və 2008-ci ildə təcavüzə məruz qalan Gürcüstanda təkrarlanmasın", - Litvanın xarici işlər naziri Qabrielyus Landsbergis dövlət katibi Entoni Blinkenlə görüşdə deyib.
Dövlət Departamentinin hesabatına görə, Baltik ölkələri nazirləri NATO-nun gücünü və Avropada təhlükəsizliyin təminatındakı rolunu təsdiqləyərək Alyansın şərq cinahının təhlükəsizliyinin vacibliyini qeyd ediblər.
"Dövlət katibi və nazirlər qeyd ediblər ki, ABŞ, Estoniya, Latviya və Litva Ukraynaya dəstəkdə birləşib", - Dövlət Departamentinin rəsmi nümayəndəsi Metyu Miller deyib.
Jurnalistlərin qarşısında çıxış edən estoniyalı nazir Marqus Tsaxkna bildirib ki, "Ukrayna bizim üçün mübarizə aparır... və Qərb bunu başa düşməlidir".
Latviyanın xarici işlər naziri Krişyanis Karinş deyib: "Ukrayna qalib gəlməlidir!"Biz Rusiyanın uğur qazanmasına imkan verə bilmərik və o, məsuliyyətə cəlb edilməlidir".
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz