Baş nazirin müavini mətbuata qarşı kobudluq edib
Baş nazirin müavini Abid Şərifovun peşə fəaliyyətini yerinə yetirən jurnalistə qarşı kobudluğu dövlət məmurlarının media azadlığı prinsiplərinə münasibətinini növbəti göstəricisi olub.
Belə ki, şənbə günü yanmış 16 mərtəbəli binanın yanında jurnalistlərlə söhbət zamanı Şərifova sual verilib: Binanın bərpası işlərini hansı şirkət həyata keçirəcək?
Buna cavabda Şərifov kobud şəkildə deyib: “Nə dəxli var sənə? Nə üçün bilməlisən ki, kimdir? Alabala. Sonra? Səninçün nə fərqi var kimdir? Bunu biz müəyyən edirik, bunun pressaya dəxli var?!”.
Sonradan, görünür həddini aşdığını anlayan Şərifov “səhvini düzəltməyi” qərara alıb və əlavə edib: “Mənim şirkətimdir! Yaz!”.
Şərifovun qəzəbi tamamilə əsassız idi, belə ki, sual tamamilə məntiqli idi: vətəndaşlar binanı hansı şirkətin təmir edəcəyini, şirkətin təcrübəsi olub-olmadığını, nə dərəcədə səriştəli olduğunu və s. bilməlidir.
Ümumiyyətlə, şirkətlər tenderlə seçilməlidir Yox, əgər podratçını hökumət özü seçirsə, ictimaiyyətə məlumat verməlidir.
İstənilən sivil ölkədə məmur belə bir hərəkətdən sonra vəzifəsini itirərdi. Elə bu yaxınlarda Ukrayna oliqarxı və Dnepropetrovskun qubernatoru Kolomoyski jurnalisti təhqir etdikdən sonra qovulub. Ölkə prezidenti bu davranışı pisləyib və Kolomoyski vəzifədən getməli olub. Azərbaycanda isə KİV nümayəndələrinə qarşı kobudluq çoxdan normaya çevrilib.
Bu zaman Abid Şərifov həqiqəti də deyə bilərdi. Qanun pozuntusu olaraq, bizneslə məşğul olan bir çox dövlət məmurları var. Odur ki, sırf etik məqamlardan başqa, burada dövlət məmurunun şəxsi maraqları amili də var. -06D-
-
- Siyasət
- 25 May 2015 13:07
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz