Baş prokuror: “Qarabağ separatçılarının istintaqı başa çatıb”
15 nəfər Qarabağ separatçısına qarşı cinayət işi başa çatıb və tezliklə məhkəməyə veriləcək. Bu barədə Azərbaycanın baş prokuroru Kamran Əliyev Xankəndidə konfransda çıxışı zamanı bildirib.
Onun sözlərinə görə, onların bütün hüquqları beynəlxalq konvensiyaların tələblərinə uyğun olaraq təmin olunub. Təqsirləndirilən şəxslər və vəkillər hazırda cinayət işi materialları ilə tanış olurlar.
Kamran Əliyev separatçıların adlarını açıqlamayıb, lakin məlumdur ki, onların arasında Qarabağın keçmiş "prezidentləri" Arkadi Qukasyan, Bako Saakyan, Araik Arutyunyan, keçmiş "xarici işlər naziri" David Babayan, keçmiş "parlament sədri" David İşxanyan, keçmiş dövlət naziri Ruben Vardanyan, generallar Leva Mnatsakanyan, David Manukyan və digərləri var.
Onların hamısı 2023-cü ilin sentyabrında Azərbaycan Silahlı Qüvvələrinin birgünlük əməliyyatı zamanı həbs ediliblər. Onlara qarşı Azərbaycanın ərazi bütövlüyünə qəsd, hərbi cinayətlərdə iştirak, terrorizmin maliyyələşdirilməsi, qanunsuz silahlı birləşmələrin yaradılması və digər ittihamlar irəli sürülüb.
Siyasət
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
-
Noyabrın 22-də Bakıda COP29-un keçirildiyi məkanda beynəlxalq fəallardan ibarət bir qrup "İnsan hüquqları yavaş-yavaş ölür" şüarı altında aksiya keçiriblər.
Rəy yaz