Baş Prokurorluq Mahir Abdullayevin yoxa çıxması ilə bağlı iş üzrə məlumatların yayılmasından ehtiyatlanır

Baş Prokurorluğun mətbuat xidməti Azərbaycan Beynəlxalq Universitetinin keçmiş rektoru Elşad Abdullayevin qardaşı Mahir Abdullayevin itkin düşməsi faktı üzrə cinayət işinin istintaqını şərh edib. 

Mətbuat xidmətinin rəhbəri Eldar Sultanov baş prokuror yanında yeni istintaq qrupunun yaradıldığını xatırladaraq  qeyd edib ki, hazırda müxtəlif versiyalar nəzərdən keçirilir və zəruri istintaq hərəkətləri aparılır.  O deyib ki, istintaqın indiki mərhələsində onun təfərrüatı barədə məlumat ibtidai istintaqın maraqlarına ziddir.  “Odur ki, istintaq sirri olam məlumatların açıqlanması yolverilməzdir”, - o vurğulayıb.

Qeyd edək ki, xaricdə olan E.Abdullayev son vaxtlar İnternet və KİV-də yaydığı məlumatlarda qardaşının oğurlandığını, hüquq-mühafizə və digər dövlət orqanlarındakı yüksək vəzifəli şəxslərin bunda əli olduğunu bildirir. O həmçinin  bunu sübut edən videonu yayacağı ilə hədələyir.

DİN-in 7-ci idarəsinin keçmiş əməkdaşının fikirləri artıq İnternetdə yayılıb. O, öz rəisinə istinadən bildirib ki, M.Abdullayev yox olduqdan sonra Mütəşəkkil Cinayətkarlığa Qarşı Mübarizə İdarəsində saxlanılıb. 04D06--