Baş Prokurorluqda yeni təyinatlar

Bakı/17.06.20/Turan: Baş Prokurorluq sistemində yeni təyinatlar baş verib. Qurumun mətbuat xidmətinin məlumatına görə, baş prokurorun sərəncamı ilə Elnur Musayev yeni yaradılmış Cinayət Təqibindən Kənar İcraatlar İdarəsinin rəisi vəzifəsinin icraçısı təyin edilib. Ramil Məcidov Dövlət Təhlükəsizliyi, Fövqəladə Hallar və Sərhəd Xidməti Orqanlarının İstintaq, Təhqiqat və Əməliyyat-Axtarış Fəaliyyətində Qanunların İcrasına Nəzarət İdarəsinin rəisi; Aynur Osmanova  Hüquqi Təminat və İnsan Hüquqları İdarəsinin rəisi təyin edilib. Ceyhun Kazımov yeni yaradılmış Ədliyyə, Gömrük və Vergi Orqanlarının İstintaq, Təhqiqat və Əməliyyat-Axtarış Fəaliyyətində Qanunların İcrasına Nəzarət İdarəsinin rəisi, Erkin Əlixanov yeni yaradılmış Beynəlxalq Hüquqi Əməkdaşlıq İdarəsinin rəisi, Vüqar Əliyev isə yeni yaradılmış Xüsusi Müsadirə Məsələlərinin Əlaqələndirilməsi İdarəsinin rəisi vəzifələrinə təyin ediliblər.

Baş prokurorun digər əmrləri ilə Baş Prokurorluğun müxtəlif idarələrinin bir neçə şöbəsinin rəhbərləri dəyişib.-02D-