BƏƏ-nin gəmiçilik şirkəti Rusiya neftinə görə sanksiyalara məruz qalıb

Cümə axşamı Birləşmiş Ştatlar Rusiyanın xammal neftini hədd qiymət olan bir barreli 60 dollardan yuxarı qiymətlə daşıdığına görə BƏƏ-də yerləşən gəmiçilik şirkətinə sanksiyalar tətbiq edib, bu barədə Turan-ın Vaşinqtondakı müxbiri xəbər verib.

Sanksiyalar Hennesea Holdings Limited şirkətinə və onun 18 gəmisinə şamil edilib. ABŞ artıq bu gəmiləri üzərinə həbs qoyulmuş mülkiyyət hesab edir.  Amerika firmaları və fərdi şəxslər artıq onlarla biznes həyata keçirə bilməyəcəklər.

"Heç kim bizim Kremlə kömək edənləri dayandırmaq səylərimizdən şübhə etməməlidir", deyə ABŞ maliyyə nazirinin müavini Uolli Adeymo bildirib.

"Bugünki addımlar göstərir ki, qiymət limitinin pozulması öz nəticələrini verəcək". Bu barədə Dövlət Departamentinin rəsmi nümayəndəsi Metyu Miller ayrıca bəyanatda bildirib.

""Böyük yeddilik", Avropa İttifaqı ölkələri və Avstraliyada qiymətlərin məhdudlaşdırılması üzrə koalisiyadan olan tərəfdaşlarımızla birlikdə Rusiyanın Ukraynaya qarşı qanunsuz müharibəsini maliyyələşdirməsinə kömək edənləri cəzalandırmaq məqsədilə görülən tədbirlərə ciddi şəkildə riayət edirik", deyə Miller əlavə edib.