![Belqradda HRHN assambleyası](https://turan.az/resized/media/2016/main/112400175783-750-500-resize.webp)
Belqradda HRHN assambleyası
Noyabrın 22-23-də Serbiyanın paytaxtı Belqrad şəhərində İnsan Hüquqları Evləri Şəbəkəsinin (Human Rights Houses Network) Assambleyası keçirilib. Həmin günlərdə Şərqi və Qərbi Avropa ölkələrindən, habelə Qafqaz ölkələrindən olan hüquq müdafiəçiləri toplaşmaq azadlığı, birləşmək, ifadə azadlığı kimi universal dəyərlərin təşviqi, habelə hüquq müdafiə fəaliyyətinin gücləndirilməsi strategiyasını müzakirə ediblər.
İki ildə bir keçirilən Assambleya 13 ölkədə 16 İnsan Hüquqları Evinə daxil olan 100-dən çox müstəqil təşkilatda işləyən hüquq müdafiəçilərini birləşdirir.
Belqrad Assambleyasında gələcək əməkdaşlığın planlaşdırılması və birgə layihələrin həyata keçirilməsi, müdafiə strategiyasının işlənib hazırlanması və təşviqi məqsədilə beynəlxalq təşkilatlardan, donor və tərəfdaş təşkilatlardan olan həmkarlar iştirak ediblər.
Hazırki forumda əsas diqqət ən çox Şərqi Avropa ölkələrində özünü göstərən liberal demokratiyanın zəifləməsi, avtokratiya və populizmin güclənməsi təmayüllərinə qarşı mübarizə probleminə yetirilib.
"Bu görüş və səmərəli müzakirələr bizə daha güclü İnsan Hüquqları Evləri Şəbəkəsi qurmaq üçün yaxın gələcəkdə yeni əməkdaşlıq platformasının konturlarını müəyyən etmək imkanı verib", deyə HRHN direktoru Mariya Dahle bildirib.
Assambleya Azərbaycanda bu yaxınlarda azadlığa çıxmış hüquq müdafiəçilərinə dəstək ifadə edib. Görüş iştirakçıları Azərbaycanda hüquq müdafiə fəaliyyətinə olan bütün məhdudiyyətlərin aradan qaldırılması, o cümlədən onların fəaliyyətinə və hərəkət azadlığına mane olan bütün qərarların ləğvi üzrə səyləri davam etdirmək barədə razılığa gəliblər.
Keçmiş siyasi məhbus, məşhur hüquq müdafiəçisi İntiqam Əliyev öz video müraciətində həmkarlarına Azərbaycanda siyasi məhbusların azad edilməsinə verdikləri töhfəyə görə təşəkkür edib. "Əminik ki, tezliklə mühüm hüquqların müdafiəsi missiyamızı yerinə yetirmək üçün aranıza qayıdacağımızdan əminik", deyə o bildirib. -0-
-
- İqtisadiyyat
- 24 Noyabr 2016 11:39
-
- İqtisadiyyat
- 24 Noyabr 2016 12:04
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz