Bəxtiyar Hacıyev öz işi üzrə məhkəmə prosesində iştirak etməkdən imtina edib
Bəxtiyar Hacıyev öz işi üzrə məhkəmə prosesində iştirak etməkdən imtina edib
Çərşənbə günü Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam edib. İclasda Hacıyev dövlət ittihamçısı Eldar Həmzəyə yazılı etirazını təqdim edib.
O, bunu prokurorlun Cinayət-Prosessual Məcəllənin (CPM) tələblərini pozması və şahidə işin hələ məhkəmədə baxılmamış materialları üzrə sual verməsi ilə əsaslandırıb.
Bundan başqa, bu prokurorun adı ABŞ Konqresində təqdim edilmiş sanksiyalar siyahısında var, bu da onun siyasi motivli proseslərdə iştirak etməsi deməkdir.
Həmzə özü bildirib ki, ona qarşı sanksiya tətbiq edilməyib. Bundan başqa, dövlət ittihamçısı hesab edir ki, o, erməni separatçıların işi üzrə məhkəmədə prokuror olduğuna görə siyahıya salınıb.
Məhkəmə vəsatəti təmin etməyib.
Daha sonra Hacıyev növbəti məhkəmə iclaslarında iştirak etmək istəmədiyi haqqında vəsatət verib. O, bunu "prosesin süni şəkildə uzadılması", "heç bir vəsatətin təmin edilməməsi", məhkəmənin özünün isə "siyasi və sifarişli xarakter" daşıması ilə izah edib. Buna görə məhkəmənin obyektivliyindən söhbət gedə bilməz, deyə Hacıyev bildirib.
Prokuror vəsatətə etiraz edib. Məhkəmə bu vəsatəti də təmin etməyib. Hacıyev buna baxmayaraq, prosesdə iştirak etməyəcəyini bildirib.
Proses cinayət işinin sənədlərinin tədqiqi ilə davam etdirilib.
* Hacıyev 9 dekabr 2022-ci il tarixində xuliqanlıq və məhkəməyə qarşı hörmətsizlik ittihamı ilə saxlanılıb.
Ötən il iyunun 16-da ona qarşı maliyyə pozuntuları - qrantların mənimsənilməsi ilə bağlı yeni ittihamlar irəli sürülüb. O, həmçinin qanunsuz sahibkarlıq, çirkli pulların yuyulması, qaçaqmalçılıq və saxta sənədlərdən istifadədə ittiham olunub.
Elə həmin ilin noyabrında ona qarşı vergi ödəməkdən yayınma maddəsi ilə daha bir ittiham irəli sürülüb.
-
- İqtisadiyyat
- 25 Sentyabr 2024 16:47
-
- İqtisadiyyat
- 25 Sentyabr 2024 16:56
Siyasət
-
TURANın Vaşinqton müxbiri xəbər verir ki, ABŞ dövlət katibi Antoni Blniken BMT-nin mənzil-qərargahından bir neçə məhəllə aralıda yerləşən Lotte New York Palace otelində Azərbaycan və Ermənistan xarici işlər nazirlərini qəbul edir.
-
Sentyabrın 26-sı saat 16:10 radələrində Ermənistan silahlı qüvvələrinin bölmələri Gorus rayonunun Ərəvus yaşayış məntəqəsi istiqamətində yerləşən mövqelərindən Azərbaycan Ordusunun Naxçıvan Muxtar Respublikasının Culfa rayonunun Ləkətağ yaşayış məntəqəsi
-
Bu gün Bakı Ağır Cinayətlər Məhkəməsində iflic fəal Famil Xəlilovun işi üzrə proses davam edib.
-
Azərbaycan Prezidenti İlham Əliyevin 27 yaşlı oğlu Heydər Əliyev, sentyabrın 26-da ilk dəfə yüksək səviyyəli iqtisadi məsələlər üzrə müşavirədə iştirak edərək, əhəmiyyətli bir ictimai görünüş nümayiş etdirdi. Anası, Birinci vitse-prezident Mehriban Əliyevanın yanında oturan Heydər Əliyevin müşavirəyə qatılması onun dövlət işlərində artan iştirakına dair suallar doğurdu.
Rəy yaz