![Beynəlxalq QHT koalisiyası Xədicə İsmayılova ilə bağlı Avropa məhkəməsinə müraciət edib](https://turan.az/resized/750/500/resize/media/2016/main/042000153544.jpg)
Beynəlxalq QHT koalisiyası Xədicə İsmayılova ilə bağlı Avropa məhkəməsinə müraciət edib
PEN International və Privacy International başda olmaqla 14 beynəlxalq söz və ifadə azadlığı təşkilatı Azərbaycanda həbsdə olan jurnalist Xədicə İsmayılovanın işinə baxılması ərəfəsində Avropa İnsan Hüquqları Məhkəməsinə müraciət edib.
“Azərbaycan hakimiyyətinin Xədicə İsmayılova ilə çox pis davranışı son illər bu ölkədə söz və mətbuat azadlığının daim pozulmasından xəbər verir”, - Beynəlxalq PEN-klubun prezidenti Cennifer Klement bildirib.
“Bu, yalnız bir ədalətsizliyin aradan qaldırılması yox, həm də ümumilikdə KİV-ə böyük dəstək məqsədilə AİHM üçün mühüm fürsətdir”, - o qeyd edib.
X.İsmayılova 2015-ci ilin sentyabrında 7,5 il müddətinə azadlıqdan məhrum edilib.
Beynəlxalq təşkilatlar hesab edirlər ki, bu, hakimiyyətin ali eşelonunda korrupsiya ilə bağlı jurnalistin hesabatına görə qisasdır.
“Xədicə İsmayılova ciddi təzyiqlərə məruz qalıb, onun mənzilində gizli videoçəkiliş aparılmaqla şəxsi həyatına müdaxilə edilib. Azərbaycan hakimiyyəti bu pozuntuları araşdırmayıb”, - Privacy International-ın hüquq məsələləri üzrə əməkdaşı Kamila Qraham Vud deyib.
Xatırladaq ki, Avropa məhkəməsində X.İsmayılovanın maraqlarını tanınmış vəkil Amal Klunu müdafiə edəcək. İşə yaxın vaxtlarda baxılacaq.-02D-
-
- İqtisadiyyat
- 20 Aprel 2016 15:21
-
- Siyasət
- 20 Aprel 2016 16:26
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz