BMT baş katibi Pan Gi Mun BMT Sivilizasiyalar Alyansının VII Qlobal Forumunda iştirak etmək üçün Bakıya gələcək. Forum 25-27 apreldə olacaq. Bu barədə tədbirin təşkilatçıları bildiriblər.
Azərbaycan Mədəniyyət Nazirliyinin məlumatına görə, forumda 120 ölkədən 2,5 mindən çox qonaq iştirak edəcək. Onların arasında bəzi ölkələrin dövlət başçıları da olacaq.
Hazırda Türkiyə prezidentinin və İran XİN rəhbərinin foruma gələcəyi dəqiq məlumdur.
Forumun yekunlarına əsasən Bakı bəyannaməsinin qəbulu gözlənilir.
Bu arada Ermənistan XİN bəyanatla çıxış edərək Qlobal Forum iştirakçılarını aprelin əvvəlində Bakının Qarabağdakı hərəkətlərini pisləməyə çağırıb.
*Sivilizasiyalar Alyansı 2005-ci ildə İspaniya və Türkiyə baş nazirlərinin təşəbbüsü ilə yaradılan hərəkatdır. Dünyada qütbləşmənin qarşısının alınması məqsədilə yaradılan hərəkat “BMT baş katibinin siyasi təşəbbüsü” statusuna malikdir. Alyans həm hökumətlərarası, həm də ictimai səviyyədə mədəniyyətlərarası dialoq və əməkdaşlığın dəstəklənməsini qarşıya məqsəd qoyur. -02D-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz