Beynəlxalq Qırmızı Xaç Komitəsinin əməkdaşları Azərbaycanda həbs olunmuş ermənilərə baş çəkiblər
Beynəlxalq Qırmızı Xaç Komitəsinin əməkdaşları Azərbaycanda həbs olunmuş ermənilərə baş çəkiblər
Beynəlxalq Qırmızı Xaç Komitəsinin əməkdaşları Azərbaycanda saxlanılan ermənilərə baş çəkiblər. Bu barədə Komitənin Bakıdakı nümayəndəliyinin məlumatında deyilir.
Başməkmə aprel ayında olub. Saxlanılan şəxslərlə təkbətək görüşlər keçirilib və onların ailələrilə əlaqəsi üçün şərait yaradılıb.
Komitənin mandatına uyğun olaraq, bu cür başçəkmələr zamanı saxlanılan şəxslərlə rəftar və saxlanma şəraiti qiymətləndirilir.
Qurum şəxslərin ailələrilə əlaqələrini bərpa etmək və ya davam etdirmək üçün şərait yaradır.
Beynəlxalq Qırmızı Xaç Komitəsinin prosedurlarına uyğun olaraq, başçəkmələrlə bağlı müşahidələr və tövsiyələr yalnız saxlayan tərəflə paylaşılır və müzakirə edilir.
Komitə baş çəkdiyi şəxslərin adlarını açıqlamır.
2023-cü ilin sentyabrında Qarabağda antiterror əməliyyatından sonra separatçı rejimin bir sıra yüksək vəzifəli şəxsləri, o cümlədən üç keçmiş rəhbəri, həmçinin "parlament spikeri", keçmiş "dövlət naziri" və iki hərbçi saxlanılaraq Bakıya gətirilib.
Siyasət
-
Mayın 15-də Azərbaycan Xalq Cəbhəsi Partiyasının fəalı Elxan Əliyev Umbaki təcridxanasıda quru aclıq aksiyası elan edib.
-
Mayın 16-da Avropa İnsan Haqları Məhkəməsi Azərbaycanla bağlı 3 yeni qərar və qərardadını elan edib.
-
Bu gün Gəncə Apellyasiya Məhkəməsində demokratik.az saytının rəhbəri Osman Nərimanoğlunun (Rzayev) 6,5 il müddətinə azadlıqdan məhrum edilməsi haqqında hökmdən verilmiş şikayətə baxılması başa çatıb.
-
Ədliyyə Nazirliyinin Baş Tibb İdarəsi Ələsgər Məmmədlidən aprelin 26-da götürülən təhlilin nəticələri haqqında məlumat verib.
Rəy yaz