Əfqan Sadıqov
“Azel” TV-nin rəhbəri Əfqan Sadıqovun Azərbaycana ekstradisiyası ilə bağlı Tbilisi Şəhər Məhkəməsinin qərarından apellyasiya şikayəti verilib. Bu barədə Turan-a onun xanımı Sevinc Sadıqova bildirib.
Onun sözlərinə görə, hakimin xəstəliyilə əlaqədar məhkəmə dinləmələri hələ təyin edilməyib. Sadıqov 80 gündür aclıq edir.
“Əfqan hazıda təcridxananın hospitalındadır. Vəziyyəti çox ağırdır. 35 kiloqram arıqlayıb. Həkim dedi ki, Əfqanın çəki itirməsi üçün bədənində heç nə qalmayıb. Dəri və sümükdən ibatrətdir. Vitamin çatışmamazlığından dərisində qabıqlaşma gedir”, - Sadıqova deyib.
4 beynəlxalq hüquq-müdafiə təşkilatı Gürcüstan hakimiyyətini Sadıqovun Azərbaycana ekstradisiyasını dayandırmağa çağırıb.
Ekstradisiya Gürcüstanın üzv olduğu Avropa İnsan Hüquqları Konvensiyasının 3-cü maddəsi ilə bağlı öhdəliklərini pozmuş olacaq. Bu maddə xarici vətəndaşların işgəncə və ya pis rəftar riski ilə üzləşə biləcəyinə əsas olduğu halda ölkəyə verilməsini qadağan edir.
Bu barədə İnsan Hüquqları Naminə Beynəlxalq Tərəfdaşlıq (IPHR), Açıq Müqavilə Tərəfdaşlığı (OCP) Crude Accountability, Norveç İnsan Hüquqları Evi Fondunun müraciətində deyilir.
Sadıqovun Azərbaycana ekstradisiyası son vaxtlar siyasi motivli həbslərin artması və Azərbaycan hökuməti tərəfindən Avropa Şurası İşgəncələrin qarşısının alınması Komitəsilə əməkdaşlığın dayandırılması nəzərə alınmaqla, onu işgəncə və amansız rəftar riskinə məruz qoyacaq.
* Əfqan Sadıqov təqiblərdən ehtiyat edərək 2023-cü ilin dekabrında ailəsilə birlikdə Gürcüstana gedib. İyulda onu Gürcüstandan Türkiyəyə buraxmayıblar və deyiblər ki, ancaq Azərbaycana qayıda bilər.
Avqustda Azərbaycanın sorğusu əsasında Sadıqov həbs edilib. Bakıda onu hədə yoluyla tələb etməkdə ittiham edirlər və ekstradisiyasını tələb edirlər. Həbs olunmasına və ona sığınacaq verilməsindən imtina edilməsinə etiraz edərək sentyabrın 21-dən aclıq edir. Oktyabrın 8-də aclıq nəticəsində vəziyyəti pisləşib və həbsxana xəstəxanasına köçürülüb. Gürcüstan hakimiyyəti Əfqan Sadıqova siyasi sığınacaq verməkdən imtina edib.
Siyasət
-
Azərbaycanda həbs edilmiş tədqiqatçı İqbal Əbilovun 35 yaşının tamam olduğu gün həmkarları və yoldaşları onun işinə diqqət cəlb etmək üçün Avropanın müxtəlif şəhərlərində, o cümlədən Vilnyus, Belqrad, Varşava və Portoda aksiyalar keçiriblər.
-
İbtidai istintaqın yekunlarına görə Kanal-13 İnternet-TV-nin direktoru Əziz Orucova qarşı CM-in 206.3.2-ci (qaçaqlamçılıq, qabaqcadan əlbir olan bir qrup şəxs tərəfindən törədildikdə) maddəsi ilə irəli sürülmüş ittiham ləğv edilib.
-
Bu gün Bakı Ağır Cinayətlər Məhkəməsində ictimai fəal İlhamiz Quliyev barəsində hökm oxunub. Məhkəmə Azərbaycan CM-in 234.4.3-cü (satış məqsədilə külli miqdarda narkotik vasitənin qanunsuz dövriyyəsi) maddəsi ilə ittihamı daha yüngül maddəyə - 234.1-1-ci (satış məqsədi olmadan qanunsuz olaraq narkotik vasitələri və ya psixotrop maddələri xeyli miqdarda əldə etmə, saxlama, hazırlama, emal etmə, daşıma) maddəyə tövsif edib və fəalı üç il müddətinə azadlıqdan məhrumetmə cəzasına məhkum edib.
-
“Azərbaycan Siyasi Məhbuslarına Azadlıq” Birliyi siyasi məhbusların yeni siyahısını dərc edib. Siyahıya görə, bu il sentyabrın 23-dən dekabrın 12-dək Azərbaycanda siyasi məhbusların sayı 17 nəfər artaraq 331 nəfərə çatıb. Belə ki, sentyabrın 23-də 319 nəfərin adı siyahıya daxil edilib. İndiyədək onlardan 5 nəfəri həbsdən azadlığa buraxılıb, daha 17 nəfər həbs edilib.
Rəy yaz