Yerevan/17.01.13/Turan-Armİnfo: Gürcüstan dəmir yolunun Abxaziya hissəsinin (Ermənistanı Rusiya ilə birləşdirəcək) bərpasına hazırdır. Lakin bu məsələnin həlli Rusiyanın mövqeyindən asılıdır. Bu barədə yanvarın 17-də Yerevanda Gürcüstanın baş naziri Bidzina İvanişvili Ermənistanın baş naziri Tiqran Sarkisyanla keçirdiyi birgə mətbuat konfransında bildirib.
O, Gürcüstanın ərazi bütövlüyü ilə bağlı bəzi məsələlərin həlli şəraitində dəmir yolunun bu hissəsinin bərpasını mümkün sayır. “Zənnimcə, bu, mümkündür. Bilirsiniz ki, Gürcüstanla Ermənistan arasında problem yoxdur, lakin Rusiya ilə böyük problemlərimiz qalır. Ən problemli məsələ Gürcüstanın ərazi bütövlüyüdür və yəqin ki, çox tezliklə həll olunmayacaq”, - İvanişvili vurğulayıb.
Abxaziya-Gürcüstan dəmir yolunun açılması Ermənistan üçün strateji əhəmiyyət daşıyır, çünki bu, Rusiyaya ən qısa və ucuz yoldur. Abxaziya vasitəsilə dəmir yolu əlaqəsi 1992-1993-cü illər münaqişəsindən sonra kəsilib. -02D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz