"Bank of Azerbaycan" ASC Azərbaycanın regionlarında müştərilərə və əhaliyə göstərilən xidmətləri daha da yaxın etmək və həmçinin həmin regionların iqtisadi potensiallarını inkişaf etdirmək məqsədi ilə filial şəbəkəsinin genişləndirilməsini davam etdirir. Bankdan verilən məlumata görə, tezliklə Lənkəran şəhərində yeni filial fəaliyyətə başlayacaq.
Yeni filial fiziki və hüquqi şəxslərə geniş çeşiddə bank xidmətləri, o cümlədən hesablaşma-kassa xidməti, depozitlərin cəlb edilməsi, istehlak, o cümlədən biznes kreditlərinin verilməsi, plastik kartlar, mobil rabitə operatorları və kommunal xidmətlərin ödənilməsi, bank daxili köçürmələr, həmçinin beynəlxalq sistemlər vasitəsi ilə sürətli pul köçürmə xidmətləri təqdim edəcək, deyə məlumatda bildirilir.
Hazırda bankın ölkə üzrə 17 filial və 3 şöbəsi fəaliyyət göstərir. Bunun 8-i reqionlarda yerləşir. –15D—
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz