Standartlaşdırma, Metrologiya və Patent üzrə Dövlət Komitəsinin (SMPDK) 2012-ci ildəki yoxlamaları göstərib ki, ölkədə dövlət standartlarına əməl edilməsi işləri üzrə heç də hər şey qaydasında deyil. Bu səbəbdən 261 müəssisənin istehsal fəaliyyətini qadağan edilib.
Komitənin mətbuat xidmətində Turan-a deyiblər ki, 1138 təsərrüfat subyektində dövlət nəzarəti qaydasında yoxlamalar aparılıb və 833 subyektdə standartların, metroloji norma və qaydaların tələblərinin pozulması halları aşkar edilib. 66 çörək məmulatları, 21 süd məhsulları, 23 alkoqolsuz içkilər, 1 mebel istehsalı, 4 tikinti materialları, 2 asfalt istehsal edən və s. təsərrüfat subyektlərinə istehsalın və satışın qadağan olunması barədə tələbnamələr verilib. 768 adda məhsulun uyğunluq sertifikatı olmadan istehsal olunduğu aşkar edilib.
Məhsullardan götürülmüş nümunələrin sınağı nəticəsində onların normativ sənədlərin tələblərinə cavab vermədiyi, insan həyatı və sağlamlığı üçün təhlükəli olduğu müəyyən edilib və bu səbəbdən ümumi dəyəri 126,874 manat olan ərzaq dövriyyədən çıxarılıb. Sahibkarlıq subyektlərinə ümumi məbləği 306.500 manat olan inzibati qaydada cərimələr tətbiq edilib. 08D
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz