Bir qrup hərbiçi "Şuşanın azad olunmasına görə" medalı ilə təltif olunub

Bakı/29.12.20/Turan: Dekabrın 29-da dövlət başçısı 4600-dən çox hərbi qulluqçunun "Şuşanın azad olunması uğrunda" medalı ilə təltif olunması haqqında sərəncam imzalayıb.

Siyahıda Azərbaycan SQ-nin Qarabağın tarixi və mədəniyyət mərkəzinin işğaldan azad edilməsi üzrə bu uğurlu əməliyyatda mühüm rol oynamış xüsusi təyinatlı birləşmə və bölmələrinin komandirləri var.

Təltif olunanlar siyahısında həmçinin əməliyyatda iştirak edən ordu korpusunun hissələrinin komandirləri də var. Bu mükafata layiq görülən yüzlərlə hərbiçi arasında generallar, zabitlər, serjantlar və sıravi əsgərlər var. Onların bəziləri ölümündən sonra təltif olunub.

Xatırladaq ki, Şuşa uğrunda döyüşlər noyabrın 3-də başlayıb və 7-də axşam tamamilə başa çatıb. Bir neçə gün ərzində Azərbaycan SQ-nin birləşmələri şəhərə diversiya hücumları həyata keçirib, düşmənin canlı qüvvəsini və texnikasını məhv edib və çətinliklə kəşfiyyat aparıb. Ayın 7-də səhər saatlarında xüsusi təyinatlı qüvvələr üç istiqamətdən şəhərə daxil olaraq, düşmənin mövqelərini məhv edib, küçə döyüşləri və əlbəyaxa döyüşlər aparıb. Bu zaman ağır texnikadan istifadə olunmayıb.

Şəhəri qaytarmağa cəhd edən 800-ə yaxın erməni hərbiçisi öldürülüb. 120 nəfərdən ibarət son qrup şəhərin girəcəyində pusquya düşərək, məhv edilib. -02D-