Birinci qrup əlil 27 gündür təcridxanada aclıq edir
Həbsdə olan ictimai fəal, birinci qrup əlil Famil Xəlilov 27 gündür aclıq edir. O, “qanunsuz həbsinə” etiraz edir.
Famil Xəlilovun xanımı Kiçikxanım Xəlilova sentyabrın 10-da təcridxanada onunla görüşdən sonra Turan-a bildirib ki, Xəlilov aclığı sonadək davam etdirmək niyyətindədir.
“Artıq aclıq onun səhhətinə təsir etməyə başlayıb. Dünən qan analizi götürüblər”,- o qeyd edib.
Fəal ancaq su içir və ağrıkəsici dərman qəbul edir. 27 günlük aclıq ərzində heç bir dövlət qurumu Xəlilovla maraqlanmayıb.
Penitensiar Xidmətdən şərh almaq mümkün olmayıb.
* Bu il mayın 2-də saxlanılan Famil Xəlilova qarşı Cinayət Məcəlləsinin 234.4.3-cü maddəsilə (satış məqsədilə küllü miqdarda narkotik maddə hazırlama, daşıma, saxlama) ittiham irəli sürülüb. Fəalın barəsində 4 aylıq həbs qətimkan tədbiri seçilib. Bu maddə ilə 5 ildən 12 ilədək həbs cəzası nəzərdə tutulur.
Qohumları onun təqsirsiz olduğunu, sosial şəbəkələrdəki paylaşımlarına görə cəzalandırıldığını bildirirlər.
Avqustun 15-də Famil Xəlilov azadlığa buraxılmaq tələbilə aclığa başlayıb.
Siyasət
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
-
Noyabrın 22-də Bakıda COP29-un keçirildiyi məkanda beynəlxalq fəallardan ibarət bir qrup "İnsan hüquqları yavaş-yavaş ölür" şüarı altında aksiya keçiriblər.
Rəy yaz