![Birləşmiş Ştatlar Azərbaycan hökumətini Mehman Əliyevə qarşı bütün ittihamları götürməyə çağırıb](https://turan.az/resized/media/2017/main/091300004491-750-500-resize.webp)
Birləşmiş Ştatlar Azərbaycan hökumətini Mehman Əliyevə qarşı bütün ittihamları götürməyə çağırıb
Vaşinqton/13.09.17/Turan: ABŞ Dövlət Departamenti Azərbaycan hökumətini Mehman Əliyevə qarşı ittihamları götürməyə və Turan İnformasiya Agentliyinin fəaliyyətini davam etdirməsinə imkan verməyə çağırıb. Bu barədə Dövlət Departamentinin sözçüsü Hether Noyertin (Heather Nauert) Turan İnformasiya Agentliyinin direktoru Mehman Əliyevin azad edilməsi ilə bağlı açıqladığı bəyanatda deyilir.
"Birləşmiş Ştatar sentyabrın 11-də Turan İnformasiya Agentliyinin baş redaktoru Mehman Əliyevin azad edilməsini müsbət hal kimi qeyd edir. Biz hökumətdən ona qarşı bütün ittihamların götürülməsini və Turan agentliyinin öz mühüm fəaliyyətini maneəsiz olaraq davam etdirməsinə imkan verməsini istəyirik. Biz rəsmiləri bu müsbət addımdan istifadə edərək, Azərbaycanda ifadə azadlığı və digər insan haqlarının gücləndirilməsi istiqamətində tədbirlər görməyə çağırmağa davam edirik. Biz əvvəlki kimi Azərbaycan hökumətini öz fundamental azadlıqlarından istifadə etdiklərinə görə həbs edilmiş bütün şəxsləri azad etməyə çağırırıq."-0-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz