Birlik üzvləri icra başçısını təqiblərdə ittiham edir

Masallı Ziyalılar Birliyi korrupsiyaya qarşı mübarizə apardıqlarına görə rayon rəhbərliyi tərəfindəın təqib və təzyiqlərə məruz qalmaları haqda müraciət yayıb.  

Sənəddə rayondakı ağır ictimai-iqtisadi durumla bağlı PA-ya şikayətə gəlmək istəyən vətəndaşların rayon icra başçısı Rafil Hüseynovun göstərişilə polis tərəfindən saxlanıldığı nəzərə çatdırılır. Polis əməkdaşlarının rayon fəallarından Şəmsəddin Mikayılovu maşından çıxararaq palçıqda sürüməsi, təhqir etməsi nəzərə çatdırılır.      

İcra başçısının belə bir addım atmasına səbəb kimi rayondakı yarıtmaz, qanunsuz əməllərindən dövlət başçısının xəbər tutması qorxusunun dayandığı göstərilir.  

Müraciətdə xarici ölkələrin Azərbaycan səfirlərinə Birlik üzvlərinin təqib, təzyiq, şantaj, həbs olunma cəhdlərini diqqətdə saxlamaları xahiş edilir. 

KİV mənsublarına isə Masallıdakı durumu dünya ictimaiyyətinə çatdırmaqda yarıdmçı olmaq xahişi edilir.

Müraciətdə Birlik üzvlərinin, yaxınlarının bundan sonra da təqib, təzyiq, şantaj, hər hansı bir böhtan vasitəsilə həbs olunma cəhdlərinə görə məsuliyyətin rayon icra hakimiyyətinin başçısı R.Hüseynovun, onun qohumu, baş hakim Cahangir Nəsirovun, digər həmyerlisi, polis şöbəsinin rəisi Nəriman İmanovun üzərində qalacağı bildirlir. 

Müraciəti Birlik üzvləri Hacı Teymur Teymurov, Məmmədağa Eynullayev, Ramin İbadullayev, Yaqub Kazımlı, Qafar Cabbarov, Şəmsəddin Mikayılov, İltifat Abdinov, Nadir Zamanov, Səlahədəin Əliyev Musabala Nəsirov və s. imzalayıblar. -05D-