Bazar ertəsi ABŞ bildirib ki, Kremlin Moldova xalqının iradəsini pozmaq cəhdləri "uğursuz olub", - Turan-ın Vaşinqton müxbiri bildirib.
"Moldova qalib gəldi", - dövlət katibi Entoni Blinken Moldovada prezident seçkilərinin ikinci turunda Maya Sandunun qələbəsini şərh edərkən deyib.
"Moldova xalqı Avropa və demokratiya yolunu davam etdirmək niyyətindədir və bunu seçkilərdə sübut etdi", - Blinken əlavə edib.
"Biz Moldova xalqını onun demokratiyaya sadiqliyinə və seçkiləri Kremlin görünməmiş müdaxiləsindən qoruduğuna görə alqışlayırıq... Öz demokratik, çiçəklənən və Avropa gələcəyini qurmağa davam edən Moldova xalqını dəstəkləyirik", - Blinken deyib.
Öz növbəsində, Dövlət Departamentinin nümayəndəsi Metyu Miller Turan-ın Vaşinqton müxbirinə bildirib ki, Rusiya Moldovada seçkiləri pozmaq və demokratiyanı sarsıtmaq üçün "əlindən gələni edib". Lakin qanunsuz maliyyələşdirmə, səslərin satın alınması, dezinformasiya və kiberhücumlar Kremlə kömək etmədi. "Moldova xalqı öz səsini eşitdirə bildi", - Miller deyib.
Siyasət
-
Noyabrın 5-də Azərbaycan prezidenti İlham Əliyev Türk Dövlətləri Təşkilatı dövlət başçılarının 11-ci sammitində iştirak etmək üçün Qırğızıstana gedib.
-
Noyabrın 4-də Bakı Apellyasiya Məhkəməsində iqtisadçı Fərid Mehralızadənin (“Abzas Media işi” üzrə həbs edilib) avtomobilinə həbs qoyulmasına dair şikayətə baxılıb, vəkil Cavad Cavadov bildirib.
-
Bu günlərdə Bakıya verilmiş sülh sazişinin sonuncu redaksiyasının əsas ideyası Ermənistan və Azərbaycan arasında kommunikasiyaların açılması prosedurlarının sadələşdirilməsidir. Bu barədə noyabrın 5-də Ermənistanın xarici işlər nazirinin müavini Paruyr Ovannisyan jurnalistlərə bildirib.
-
ABŞ hesab edir ki, Şimali Koreyanın 10000 hərbçisi Rusiyanın Kursk vilayətində yerləşdirilib, bazar ertəsi Dövlət Departamenti bildirib.
Rəy yaz