Blinken: “Qərb yenidən sübut edəcək ki, Putin haqlı deyil”
Blinken: “Qərb yenidən sübut edəcək ki, Putin haqlı deyil”
Vaşinqton/21.12.23/Turan: ABŞ yenidən bəyan edib ki, Ukraynanın azadlığını və müstəqilliyini dəstəkləmək, Rusiyanın təcavüzünün strateji uğursuzluq olaraq qalması üçün dünya ölkələrini birləşdirməyə davam edəcək, dövlət katibi Blinken bildirib, Turan-ın Vaşinqton müxbiri bildirib.
"Putin hesab edir ki, bizim fikir ayrılıqlarımız Ukraynanın uğur qazanmasına mane olacaq. Biz artıq sübut etdik ki, o haqlı deyil və bunu bir daha sübut edəcəyik", - çərşənbə günü mətbuat konfransında Blinken deyib.
Putin düşünür ki, "gənc rusiyalıları “ət maşınına” göndərərək bizi sındırmaq strategiyası özünü doğruldacaq".
Blinken əlavə edib: "Putinlə yalnız bir şeydə razıyam: Ukraynanın cəsur əsgərlərinin və vətəndaşlarının öz mübarizəsini davam etdirə bilməsi, Rusiya üçün müharibənin strateji uğursuzluq olaraq qalmasını təmin etməsi üçün Amerikanın davamlı dəstəyi həlledici əhəmiyyət daşıyır".
"ABŞ azad, açıq, firavan və təhlükəsiz dünya haqqında baxışımızı bölüşənlərlə çiyin-çiyinə dayanmağa davam edəcək, Amerika xalqının maraqları məhz bunu tələb edir".
"Putin Ukraynadakı əsas məqsədinə çata bilmədi: onu xəritədən silmək, Rusiyanın tərkibinə daxil etmək. Çətin bir il idi, amma ukraynalılar heç kimin inanmadığı bir şeyi etdilər: dünyanın ən böyük ordularından birinə qarşı çıxdılar, Rusiyanın çoxsaylı hücumlarına baxmayaraq, ərazilərini vermədilər, Rusiya donanmasını Qara dənizdə sıxışdırdılar və öz taxıllarını ixrac etməyə imkan verən dəhliz açdılar", - Blinken deyib.
Rusiya hərbi, iqtisadi və diplomatik cəhətdən daha zəifdir, NATO isə demək olar ki, 75 illik tarixində hər zamankındən daha böyük, güclüdür və sıx birləşib.
"Bu il NATO-ya 31 – ci üzvümüzü, Finlandiyanı əlavə etdik və tezliklə İsveç də Alyansa qoşulacaq ki, bu da bizim müdafiə alyansını daha da gücləndirəcək", - o deyib. -0-
-
- Maliyyə
- 21 Dekabr 2023 09:05
Siyasət
-
İran prezidentini İran-Azərbaycan sərhəddinə müşayiət edən İran dövlət televiziyasının müxbiri gecə yarısı helikopter qəzasının təfərrüatlarını bildirib.
-
Azərbaycan Respublikasının Prezidenti İlham Əliyev İran İslam Respublikasının Prezidenti İbrahim Rəisini daşıyan helikopterin İranda qəza enişi etməsi ilə bağlı X sosial şəbəkəsindəki rəsmi səhifəsində paylaşım edib.
-
Mayın 19-da İran prezidenti Xudafərin və Qızqalası su elektrik layihələrinin işə salınması mərasimindən qayıdarkən, onun helikopteri Şərqi Azərbaycan vilayətinə sərt eniş edib.
-
Mayın 19-da iki ölkə prezidentləri İbrahim Rəisi və İlham Əliyevin iştirakı ilə İran-Azərbaycan sərhədində Araz çayı üzərində yerləşən “Xudafərin” və “Qızqalası” su elektrik komplekslərinin açılış mərasimi keçirilib.
Rəy yaz