Blinken və Əliyevl sülh prosesi, COP29 və insan haqlarını müzakirə edib (YENİLƏNİB)
TURANın Vaşinqton müxbiri xəbər verir ki, ABŞ dövlət katibi Entoni Blinken bazar ertəsi Azərbaycan prezidenti İlham Əliyevə zəng edərək Azərbaycan və Ermənistan arasında davamlı və ləyaqətli sülhün vacibliyini bir daha təsdiqləyib.
Dövlət Departamentinin xəbəeində deyilir ki, Blinken “sərhədin demarkasiyasına dair razılaşma da daxil olmaqla, tərəflər arasında son irəliləyişi alqışlayıb”.
Dövlət Departamentinin sözçüsü Metyu Miller öz növbəaində bildirib ki, Blinken ABŞ və Azərbaycan arasında ikitərəfli münasibətlərin əhəmiyyətini də vurğulayıb və ABŞ-ın bu ilin noyabrında Bakıda keçiriləcək ÇNL 29-un uğuruna sadiqliyini vurğulayıb.
Sövlət katibi və Prezident Əliyev regional və ikitərəfli əməkdaşlığı, o cümlədən Azərbaycanın beynəlxalq insan hüquqları öhdəliklərinə əməl etməsinin vacibliyini müzakirə ediblər”, - Miller deyib.
Blinkenin Bakıya zəngi onun Ermənistanın baş naziri Nikol Paşinyanla söhbətindən bir neçə gün sonraya təsadüf edib və o zamanda ABŞ-ın baş diplomatı Ermənistan və Azərbaycan arasında davamlı və ləyaqətli sülhün vacibliyini bir daha qeyd edib.
* * *
Öz növbəsində Azərbaycan Prezidentinin mətbuat xidməti məlumat yayıb ki, İlham Əliyev sülhün bağlanması üçün sərt kimi “Ermənistan konstitusiyasında və digər qanunvericilik aktlarında Azərbaycana qarşı ərazi iddialarının ləgv olunması və ATƏT-in Minsk Qrupunun fəaliyyətinin dayandırılmasını” - adlandırıb.
Onun sözlərinə görə, “regionda ədalətə və beynəlxalq hüquqa əsaslanan yeni reallıqlar və status-kvo yaranıb”.
Sərhədlərin delimitasiyası ilə bağlı İlham Əliyev ikitərəfli əsasda əldə olunan müsbət nəticələri qeyd edib və bu prosesin bundan sonra da davam etdiriləcəyini bildirib.
-
- Siyasət
- 16 Sentyabr 2024 19:23
Siyasət
-
Sentyabrın 16-da Bakı Ağır Cinayətlər Məhkəməsində iş adamı, Milli Məclisin sabiq deputatı Nazim Bəydəmirlinin işi üzrə prosesdə dövlət ittihamçısı məhkəmə istintaqının yekunlaşdırılmasını təklif edib.
-
Sentyabrın 16-da Gürcüstan Miqrasiya Xidməti Azərbaycan vətəndaşı, “Azel” TV saytının təsisçisi Əfqan Sadıqova sığınacaq verməkdən imtina edib. Bu barədə Turan agentliyinə onun xanımı Sevinc Sadıqova bildirib.
-
Bakı Apellyasiya Məhkəməsi Müsavat Partiyasının sədr müavini Mustafa Hacıbəylinin növbədənkənar parlament seçkiləri zamanı pozuntulara dair şikayətini təmin etməyib.
-
Bazar ertəsi Ermənistanın baş naziri Nikol Paşinyan Gürcüstana rəsmi səfərə gedib. Danışıqların yekunları ilə bağlı Gürcüstanın baş naziri İrakli Kobaxidze ilə birgə keçirilən mətbuat konfransında Paşinyan qeyd edib ki, Kobaxidze ilə Yerevan və Bakı arasında münasibətləri, sərhədlərin delimitasiyası və demarkasiyası prosesini, habelə əldə edilmiş razılaşmaları müzakirə edib.
Rəy yaz