BMT Özbaşına Həbslər üzrə İşçi Qrupu mayın 16-25-də Azərbaycanda azadlıqdan məhrumetmə yerlərində vəziyyəti öyrənəcək.
BMT-nin Bakı nümayəndəliyindən verilən məlumata görə, 10 günlük səfər çərşivəsində qrupun rəhbəri Setonci Rolan Acovi (Benin) və onun kommunikasyalar üzrə müavini Xose Gevara (Meksika) Bakı, Gəncə və Naxçıvanda dövlət nümayəndələri, vətəndaş cəmiyyəti və digər əlaqədar tərəflərlə görüşlər keçirəcəklər.
Ekspertlər həbsxanalar, polis məntəqələri, ruhi-əsəb xəstəxanaları kimi müəssisələrə baş çəkəcək, azadlıqdan məhrum olunmuş şəxslərlə və onların ailə üzvlərilə görüşəcək, ilkin mənbədən məlumat toplayacaqlar.
Qrupu BMT İnsan Hüquqları üzrə Ali Komissarlığı katibliyinin əməkdaşları müşaiyət edəcək.
İşçi Qrupunun ilkin müşahidələrinə dair mətbuat konfransı mayın 25-də saat 15:00-da BMT-nin ofisində keçiriləcək.
Yekun hesabat 2017-ci ilin sentyabrında BMT-nin İnsan Hüquqları Şurasına təqdim ediləcək.
İşçi Qrupuna həmçinin Li Tumi (Avstraliya), Seonq-Fil Honq (Koreya) və Vladimir Toçilovski (Ukrayna) daxildir.
BMT Özbaşına Həbslər üzrə İşçi Qrupu 1991-ci ildə yaradılıb.—16D-
Siyasət
-
Litvanın xarici işlər naziri Kestutis Budris bazar günü Azərbaycanın xarici işlər naziri Ceyhun Bayramovla telefon danışığı apararaq Bakı-Qroznı reysi zamanı Aktau yaxınlığında baş vermiş "Azərbaycan Hava Yolları" sərnişin təyyarəsinin faciəli qəzası ilə bağlı başsağlığı verib. Bu barədə Azərbaycanın Xarici İşlər Nazirliyi məlumat yayıb.
-
Ərdəbil şəhərində bədnam İmam Amelinin təşkil etdiyi dini mərasim Türkiyə və Azərbaycan prezidentlərinin ünvanına təhqirlər mərasiminə çevrilib.
-
Bazar ertəsi Bayden administrasiyası Ukraynaya əlavə hərbi və büdcə yardımı üçün təxminən 6 milyard dollar ayrıldığını elan edib, Turan-ın müxbiri Vaşinqtondan xəbər verir.
-
Litva Prezidenti Gitanas Nauseda, dekabrın 30-da, bir neçə insanın həyatını itirməsi ilə nəticələnən faciəvi təyyarə qəzası ilə bağlı Azərbaycan Prezidenti İlham Əliyevə başsağlığı verib. Telefon zəngində Nauseda, İlham Əliyevə və Azərbaycan xalqına dərin hüznlə başsağlığı verərək, yaralananların tezliklə sağalmasını arzuladığını və bu çətin dövrdə xalqımızla həmrəyliyini ifadə edib.
Rəy yaz