BMT təmsilçilərinin Azərbaycana səfəri gözlənilir

BMT-nin Nyu-Yorkdakı mənzil-qərargahında dünyada tolerantlığa həsr edilmiş “Dünyada dinlərarası harmoniya: sülh və inkişaf üçün zərurət” mövzusunda konfrans keçirilib. 

BMT tərəfindən hər il qeyd edilən Ümumdünya Dinlərarası Harmoniya Həftəsi (ÜDHH) çərçivəsində keçirilən konfransda dünyada dinlərarası tolerantlıq model dövlətlərdən biri kimi Azərbaycan göstərilib. Mədəniyyətlərarası dialoq və dini tolerantlığın güclənməsinə töhfələri xüsusi qeyd olunub. BMT-nin Sivilizasiyalar Alyansı (SA) üzrə ali nümayəndəsi  Nassir Abdulaziz əl-Nasser konfransdakı çıxışında Azərbaycanı yerli və beynəlxalq səviyyələrdə dini tolerantlıq və dialoqun təşviq edilməsində dünyanın bir çox ölkələri üçün örnək olduğunu söyləyib. Bu yöndə Azərbaycanla əlaqələrə toxunan əl-Nassir Azərbaycanın Dini Qurumlarla İş üzrə Dövlət Komitəsilə BMT-nin SA-sı arasında sıx tərəfdaşlıq formalaşdığını deyib. 

DQİDK-nın yaratdığı Milli Tolerantlıq Mərkəzi (MTM) ölkədəki müxtəlif dinlərin icma nümayəndələrinə, dini liderlər arasında birbaşa dialoqun təşviqi və dinlərarası tolerantlıq üzrə təlim və seminarların keçirilməsi üçün nəzərdə tutulur. BMT Sivilizasiyalar Alyansının (SA) təmsilçiləri tezliklə MTM-ə səfər etməyi planlaşdırır.05D-