Açiq mənbələrdən foto.
Bakı/20.05.21/Turan: Bu gün, mayın 20-də Bakıda Birləşmiş Krallıq və Azərbaycan Hökümətləri arasında fəaliyyət göstərən Birgə Hökumətlərarası Komissiyanın 4-cü iclası baş tutub.
Böyük Britaniyanın Azərbaycandakı Səfirliyinin məlumatına görə, Birləşmiş Krallığın Beynəlxalq Ticarət Departamentinin İxracat üzrə naziri Qraham Stuart və Azərbaycanın Energetika naziri Pərviz Şahbazov iclasda çıxış edib.
İclasda qeyri-neft və qaz iqtisadiyyatı üzrə Böyük Britaniya-Azərbaycan strateji tərəfdaşlığı müzakirə edilib.
“Böyük Britaniya ilə Azərbaycan arasında səhiyyə, yaşıl enerji, texnologiya, maliyyə və təhlükəsizlik sahələrində ticarətin genişləndirilməsi üçün potensial imkanlar açılıb”, deyə məlumatda qeyd edilib.
Səfirlik bildirir ki, Böyük Britaniya-Azərbaycan Birgə Hökumətlərarası Komissiyanın 4-cü iclası müştərək ticarət və iqtisadi prioritetlərə dair protokolun imzalanması ilə başa çatıb.
“Bu gün Böyük Britaniyanın Beynəlxalq Ticarət Departamentinin İxracat üzrə naziri Qraham Stuart arasında iqtisadi əməkdaşlıq üzrə Böyük Britaniya-Azərbaycan Birgə Hökümətlərarası Komissiyanın 4-cü iclası keçirildi. Bu, səhiyyə, yaşıl enerji, maliyyə və texnologiya sektorlarında əməkdaşlıq üçün əla imkanlar yaradır”, deyə Böyük Britaniyanın Azərbaycandakı səfiri Ceyms Şarp qeyd edib. -03-
Siyasət
-
Bu gün Bayraq Meydanında Azərbaycanın dövlət bayrağı qaldırılıb.
-
"44 günlük Vətən müharibəsi bizim şanlı tariximizdir, parlaq Qələbəmizdir. Biz həm Birinci Qarabağ müharibəsinin, həm İkinci Qarabağ müharibəsinin, eləcə də antiterror əməliyyatının şəhidlərinin qanını döyüş meydanında aldıq, öz ərazi bütövlüyümüzü, suverenliyimizi bərpa etdik". Bu barədə noyabrın 8-də dövlət başçısı İlham Əliyev Bakıda Zəfər Parkının açılış mərasimində bildirib.
-
Azərbaycan Talışları İctimai Şurasının (ATİŞ) üzvü, ehtiyatda olan polkovnik Mikayıl Hacıyev noyabrın 7-də Bakıdan Yekaterinburqa gedə bilməyib. Bu barədə Turan Agentliyinə o özü bildirib.
-
Noyabrın 7-də Bakının Xətai Rayon Məhkəməsində Abzas Media nəşrinin direktoru Ülvi Həsənlinin ev dustaqlığına keçirilməsi haqqında vəsatətə baxılıb. Dinləmələr iş günündən sonra, saat 19.15-də keçirilib, bu barədə vəkil Zibeydə Sadıqova bildirib. Bu, Həsənlinin prosesdə onlayn iştirak etməkdən imtina etməsi və prosesdə iştirak etməkdə israr etməsi səbəbindən baş verib.
Rəy yaz