Böyük Britaniya səfiri REAL Partiyasının Siyasi Komitəsinin üzvlərilə görüşüb
Avqustun 29-da Böyük Britaniyanın Azərbaycandakı səfiri Fergus Old Respublika Alternativi Partiyasının (REAL) qərargahında bu müxalifətyönlü təşkilatın rəhbərliyilə görüşüb.
Görüşdə REAL Siyasi Komitəsinin sədri İlqar Məmmədov, üzvlər Erkin Qədirli və Natiq Cəfərli iştirak ediblər.
Partiyanın məlumatında deyilir ki, söhbət zamanı Avropa Şurası Parlament Assambleyasında Azərbaycan nümayəndə heyətinin fəaliyyətinin bərpası məsələləri müzakirə olunub, həmçinin Azərbaycan və Böyük Britaniya arasında ikitərəfli münasibətlərin gündəliyinin aktual mövzuları ətrafında fikir mübadiləsi aparılıb.
Qeyd edək ki, görüş Azərbaycanda növbədənkənar parlament seçkilərindən bir neçə gün əvvəl keçirilib və görüşdə iştirak edən REAL nümayəndələri deputatlığa namizəddirlər.
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz