Britaniyalı millət vəkili: "Bakıda camaat hələ ki, Kafka dövründə yaşayır"

Azərbaycanda İnternet İdarəçilik Forumunda iştirak edən Helen Goodman cümə axşamı Britaniya parlamentində Azərbaycanda İnsan Hüquqları mövzusunda debat keçirib.

Parlament üzvü Helen Goodman çıxışında İnternet İdarəçilik Forumunun Azərbaycanda keçirilməsinin "qəribə" səsləndiyini bildirib. O deyib ki, Azərbaycanın tarixi insan hüquqlarının durumunu izah etsə də, onların pozulmasına "haqq qazandırmır".

O həmçinin paytaxtda İlham Əliyevin böyük plakatlarındakı təsvirini "timsah təbəssümü" adlandırıb.

Helen Goodman Rafiq Tağı kimi öldürülən və İdrak Abbasov kimi döyülən jurnalistləri və Amnesty International təşkilatının xüsusi xahişilə Mehman Hüseynovun ittihamlanmasını işıqlandırıb və Avropa nazirindən bu məsələləri Azərbaycan höküməti qarşısında qaldırmasını xahiş edib.

"Bakıda camaat hələ ki, Kafka dövründə yaşayır, orada qəzet köşkləri əslində qəzet satmır", o deyib.

Çıxışının sonunda xanım Goodman Britaniya hökümətini AŞPA-nın Azərbaycanda siyasi məhbuslar üzrə məruzəçisi Christoph StrasserinKlikləyinhesabatını dəstəkləməyə çağırıb.

"Xatırlamaq vacibdir ki, Britaniya höküməti və parlamenti insan hüquqlarına dayaq olanda, biz proqres əldə edirik" - o, Emin Milli və Adnan Hacızadə həbsdə olarkən Britaniya parlamentində rəsmi ərizənin imzalanmasından sonra azad edilməsinə istinad edərək deyib.