Bu gün Sevinc Babayevanın cəsədi Bakıya gətirilməlidir

İstanbulun Medicana klinikasında vəfat etmiş Sevinc Babayevanın cəsədi dekabrın 29-da Bakıya gətiriləcək. Bu barədə Türkiyə KİV-i məlumat verib.

Mənbənin məlumatına görə, bu gün cəsəd yarılacaq. 

S.Babayeva başqa adla ağır ürək tutması ilə həmin klinikaya yerləşdirilib. Cümə axşamı onun ölümü barədə məlumatı prokurorluğa oğlu verib. Bundan dərhal sonra həmin məlumat “müstəqil saytlar”ın birində yayılıb. Prokurorluq isə bildirib ki, İnterpolun  xəttilə axtarışda olan S.Babayevanın ölməsi haqda məlumat yoxdur. 

Hüquq-mühafizə orqanları S.Babayevanın başqa ölkəyə necə getməsi, niyə onun İstanbulda həbs olunmamasının səbəblərini açıqlamırlar.

Bakıda kitabxana direktoru olan S.Babayevanın adı qalmaqallı vudeoçarxdan sonra tanınmağa başlayıb. Həmin videoçarxda o və parlamentin deputatı Gülər Əhmədova Azərbaycan Beynəlxalq Universitetinin rektorundan 1 mln. dollar alaraq onun deputat seçilməsini vəd ediblər. Bu işdə Prezident Administrasiyasının rəhbəri Ramiz Mehdiyevin adı hallanır, belə ki, pulla ona çatmalı imiş.-02D-