Bu qədər tələskənlik nəyə lazımdır?
Oktyabrın 19-da Konstitusiya Məhkəməsinin Plenumu 9 oktyabr 2013-cü il prezident seçkilərinin yekunlarını təsdiq etdikdən sonra seçkilərdə qələbə qazanmış İlham Əliyev and içib.
O, Konstitusiyaya və ölkənin qanunlarına riayət edəcəyinə dair Konstitusiyaya, Azərbaycan xalqının mənəvi-əxlaqi dəyərlərini qoruyacağına dair Qurana and içib.
Beləliklə, İlham Əliyev üçüncü müddət üçün Azərbaycan prezidenti səlahiyyətlərinin icrasına başlayıb.
Bu, 2009-cu ilin mart referendumunda Azərbaycan Konstitusiyasına edilmiş əlavə və dəyişikliklərdən sonra İlham Əliyevin ilk andıdır.
Ənənəyə görə, andiçmə mərasimində dövlət rəsmiləri, hökumət üzvləri, deputatlar, habelə Qafqaz Müsəlmanları İdarəsinin sədri Allahşükür Paşazadə iştirak edib.
Azərbaycan Respublikası Konstitusiyasının 103-cü maddəsinə görə, ölkə prezidenti seçilmiş şəxs seçkilərin nəticələri elan olunduqdan sonra 3 gün ərzində and içməlidir.
Qeyd edək ki, 15 oktyabr 2003-cü il prezident seçkilərində İlham Əliyev seçicilərin 76 faizinin səsini toplayaraq prezident olub. Elə həmin il oktyabrın 24-də Konstitusiya Məhkəməsinin Plenumu seçkilərin nəticələrini təsdiq edib. İlham Əliyev Konstitusiya Məhkəməsinin Plenumunun qərarından 7 gün sonra, yəni 31 oktyabr 2003-cü ildə and içib.
2008-ci il prezident seçkilərində Konstitusiya Məhkəməsinin Plenumu seçkilərin nəticələrini oktyabrın 22-də təsdiq edərək, İlham Əliyevin seçicilərin 88,73%-nin səsini topladığını bəyan edib. KM Plenumunun seçkilərin nəticələrini təsdiq etməsindən 2 gün sonra, yəni 24 oktyabr 2008-ci ildə İlham Əliyev and içib.
Hazırki andiçmə mərasiminin daha bir fərqi ondan ibarət idi ki, 2003 və 2008-ci illərdə andiçmə mərasimi Heydər Əliyev sarayında yüksək vəzifəli xarici qonaqların da iştirakı ilə daha təntənəli şəraitdə keçirilirdisə, bu dəfə mərasim Milli Məclisin zalında tələsik və sakit keçirilib. -16D04-
-
- İqtisadiyyat
- 19 Oktyabr 2013 13:20
-
- Cəmiyyət
- 19 Oktyabr 2013 13:47
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz