Açiq mənbələrdən foto.
Bakı/28.07.21/Turan: Çərşənbə günü Bakı Ağır Cinayətlər Məhkəməsində casusluqda ittiham olunan Ermənistan vətəndaşları David Davtyan və Gevorq Sucyanın işi üzrə proses davam edib.
Şahidlərin ifadələri dinlənilib, sonra hər iki müttəhim ifadə verib, onlar törətdikləri əməldən peşman olublar və üzr istəyiblər.
İclasda məhkəmə istintaqının başa çatdığı elan edilib.
Prokuror çıxışında məhkəmədən müttəhimlərin təqsirli bilinməsini və 16 il müddətinə azadlıqdan məhrum olunmasını xahiş edib.
Məhkəmə məşvərətə gedib və sonra hökm oxunub: hər iki müttəhim 15 il müddətinə azadlıqdan məhrum edilib.
Xatırladaq ki, Davtyan və Sujyana Azərbaycan Cinayət Məcəlləsinin 228 (qanunsuz silah saxlama), 276 (casusluq), 279 (qanunsuz silahlı birləşmələrin yaradılması ) və 318 (dövlət sərhəddindən qanunsuz keçmə) maddələrilə ittiham irəli sürülüb.
Onlar 11 noyabr 2020-ci ildə növbəti dəfə Ermənistandan Qarabağa gedərkən Laçın dəhlizində saxlanılıblar. -02D-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz