Açiq mənbələrdən foto.
Bakı bəyannaməsi: Türkiyə və Pakistan Azərbaycanla həmrəydir
Bakı/28.07.21/Turan: Azərbaycan, Türkiyə və Pakistan parlamentlərinin spikerləri Ermənistanın minalanmış ərazilərin xəritələrini Azərbaycana verməməsini pisləyirlər. Onlar azad edilmiş torpaqların bərpası və məcburi köçkünlərin evlərinə qayıtması ilə səylərdə Azərbaycanla tam həmrəylik nümayiş etdirdiklərini vurğulayırlar. Bu barədə Azərbaycan, Türkiyə və Pakistanın qanunvericilik orqanları rəhbərlərinin Bakıda üçtərəfli görüşünün yekunlarına dair Bakı Bəyannaməsində deyilir.
Sənəd müəllifləri beynəlxalq problemlərin həllində, sülhün və təhlükəsizliyin möhkəmləndirilməsində ikitərəfli və çoxtərəfli parlamentlərarası əlaqələrin mühüm rol oynadığını vurğulayıblar.
Onlar xaricdən sponsorlaşdırılan terror hücumlarına, kiberhücumlara, hibrid müharibələrinə və dezinformasiyalara qarşı birgə səyləri dəstəkləyiblər.
Üç dövlətin qanunvericiləri qarşılıqlı maraq doğuran regional və qlobal məsələlər üzrə sıx əməkdaşlıq etmək və beynəlxalq parlament təşkilatlarında ümumi mövqe tutmaq niyyətindədirlər.
Onlar həmçinin islamofobiya və müsəlman azlıqların sıxışdırılması ilə mübarizə aparmaq üçün regional və beynəlxalq parlament platformalarında işləməyə hazırdırlar.
Tərəflər nəqliyyat, ticarət, energetika, beynəlxalq münasibətlər, təhsil, sosial və mədəni, turizm, informasiya və kommunikasiya texnologiyaları sahələrində regional əməkdaşlığın yaxşılaşdırılması üçün öz hökumətlərinə hərtərəfli dəstək vermək barədə razılığa gəliblər.
Spikerlərin növbəti görüşü 2022-ci ildə İslamabadda keçiriləcək. -03D-
-
- Maliyyə
- 28 İyul 2021 14:03
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz