Bakı/24.07.18/Turan: Türkiyə XİN başçısı Mevlut Çavuşoğlu Azərbaycanda FETÖ-yə - ABŞ-da yaşayan türk ilahiyyatçı Fətullah Gülənlə bağlı, Ankaranın terror təşkilatı kimi tanıdığı şəbəkəyə qarşı mübarizədən məmnunluğunu ifadə edib.
"Biz FETÖ məktəblərinə qarşı mübarizəni davam etdirəcəyik. Uşaqların və ailələrin mənfi təsir altına düşməsini istəmirik", deyə Çavuşoğlu iyulun 24-də Bakıda keçirilən mətbuat konfransında bildirib.
Bakıda iyulun əvvəllərində keçmişdə Gülənlə əlaqələndirilən "İstək" məktəblər şəbəkəsi bağlanıb.
Azərbaycanda bu məktəblər bizim "Maarifləndirmə" Fondumuza verilə bilərdi", deyə Çavuşoğlu bildirib.
Onun fikrincə, FETÖ bir sıra ölkələrdə məktəblər açıb və bu təhsil müəssisələri vasitəsilə məktəblərin bütün strukturlarına nüfuz etməyə çalışır.
Çavuşoğlu qeyd edib ki, Azərbaycan FETÖ-yə qarşı mübarizə aparanların liderləri arasındadır.
2016-cı ilin iyulunda Türkiyədə Ankaranın Güləni ittiham etdiyi dövlət çevrilişi cəhdindən sonra Azərbaycanda "Zaman" qəzeti, "Qafqaz" universiteti bağlanıb və "İstək" liseylər şəbəkəsinin ləğvi haqqında qərar qəbul edilib. -06D-
Siyasət
-
Prezident İlham Əliyev İran İslam Respublikasının milli bayramı – İslam İnqilabının Qələbəsi Günü münasibətilə iranlı həmkarı Məsud Pezeşkiana təbrik məktubu ünvanlayıb.
-
Transparency International-in 2024-cü il Korrupsiya Qavrayışı İndeksi (CPI) korrupsiyanın dünya üzrə davam edən problemlərdən biri olduğunu bir daha vurğulayır və onun idarəetmə, iqtisadi inkişaf və iqlim tədbirləri üzərində dağıdıcı təsirini önə çəkir. CPI 180 ölkəni ictimai sektorda korrupsiyanın qavranılma səviyyəsinə görə qiymətləndirərək 0 (çox korrupsiyalaşmış) ilə 100 (çox şəffaf) arasında bal verir. Son hesabat qlobal ortalama göstəricinin 43 olduğunu və illərdir dəyişmədiyini göstərir. Üstəlik, ölkələrin üçdə ikisindən çoxu 50-dən aşağı bal alıb ki, bu da korrupsiyanın dünya miqyasında ciddi və hələ də həll olunmamış problem olaraq qaldığını sübut edir.
-
"Nezıqar" teleqram kanalının yaydığı məlumata görə, RF Təhlükəsizlik Şurasında müvafiq idarələrin iştirakı ilə "Bakı tərəfindən yaradılan, ölkələr arasında bağlanmış müqavilələrə və sazişlərə, o cümlədən 2022-ci il tarixli Qarşılıqlı Müttəfiqlik Fəaliyyəti haqqında Müqaviləyə zidd olan təcavüzkar gərginliyə" cavab tədbirləri variantları nəzərdən keçirilir.
-
Ötən həftə Azərbaycanda daha iki məşhur jurnalist həbs olunub. Şahnaz Bəylərqızı son aylar həbs edilmiş səkkizinci qadın jurnalist oldu.
Rəy yaz