Çeçenistanda saxlanılan Azərbaycan vətəndaşları geri qaytarılıblar
Ukraynada müharibəyə göndərilmək məqsədilə Çeçenistanda saxlanılan üç nəfər Azərbaycan vətəndaşı ölkəyə qaytarılıb.
Azərbaycan Xarici İşlər Nazirliyinin nümayəndəsi Ayxan Hacızadə bildirib ki, Azərbaycan vətəndaşları Elxan Əkbər oğlu Şirinov (1975-ci ildə anadan olub), Vüqar Nazim oğlu Məhərrəmov (1982-ci il) və Nihad Tapdıq oğlu Rzayevin (2004-cü i) saxlanıldığı barədə məlumat daxil olan kimi, vətəndaşlarımızın ölkəmizə geri qaytarılması məqsədilə dərhal Rusiya Federasiyası Xarici İşlər Nazirliyinə nota ünvanlanıb.
Həmçinin Rusiya Xarici İşlər Nazirliyi və digər aidiyyati qurumlar ilə danışıqlar aparılıb.
Nəticədə, sentyabrın 21-də sözügedən vətəndaşlarımızın Rusiya Federasiyası ilə dövlət sərhəd keçid məntəqəsindən quru yolla Azərbaycana qayıdışı təmin edilib.
Siyasət
-
Ukrayna Prezidenti Volodimir Zelenski Qazaxıstanın Aktau şəhəri yaxınlığında Azərbaycan Hava Yollarına (AZAL) məxsus Embraer 190 təyyarəsinin qəzaya uğramasından sonra Rusiyaya təzyiqin artırılmasına çağırıb. Zelenski bu fikri 22 yanvarda Davosda keçirilən Dünya İqtisadi Forumunda Azərbaycan Prezidenti İlham Əliyevlə görüş zamanı səsləndirib.
-
Azərbaycanın xarici işlər naziri Ceyhun Bayramov, Türkiyənin Bolu vilayətinin Kartalkaya dağ-xizək kurortunda mehmanxanada baş vermiş faciəvi yanğından sonra, bazar ertəsi Türkiyənin xarici işlər naziri Hakan Fidana başsağlığı verib.
-
Yanvarın 22-də Səbail Rayon Məhkəməsində “dövlətə xəyanətdə” təqsirləndirilən gənc tədqiqatçı Bəhruz Səmədovun ev dustaqlığına buraxılması ilə bağlı vəsatətə baxılıb.
-
Yanvarın 22-də vəkil Zibeydə Sadıqova 1 saylı Bakı İstintaq Təcridxanasında jurnalist Fərid İsmayılova baş çəkib. İsmayılov yanvarın 17-də “Toplum” TV-nin işi üzrə həbs edilib. O, istintaqa hələ 2024-cü ilin martında cəlb edilib. O zaman polis nəzarətinə verilmişdi.
Rəy yaz